امریکا قۉشمه ایالتلری نینگ جمهوری باشلیغی جوبایدن، اسرائیل غزه ده‌گی اوروش گه چېک قوییش و آتیش کېسین برقرار اېتیلیشی اوچون اوچ باسقیچلی تکلیف اۉزه‌تگنینی معلوم قیلگن.
رویترز آژانسی بوگون (۱۲-جوزا، شنبه)، ترقه‌تگن گزارشیده، بایدن بو سۉزلرنی اۉتگن کون بیان قیلیب و حماس دن بو تکلیف نی قبول قیلیشینی اېسته‌گنینی بیلدیرگن.
بایدن نینگ کوپه‌یتیریشیچه: «بو اوروش گه چېک قوییش وقتی کېلگن.»
بیزلرنینگ فیسبوک صحیفه‌میزگه باش اورینگ!
امریکا جمهور باشلیغی گه کوره، بو طرح اسرائیل عملدارلری تامانیدن تصدیقلنگن و قطر رسمی‌لری آرقه‌لی حماس گه هم یوللنگن، اونینگ بیرینچی باسقیچی اساسیده آلتی هفته‌لیک آتیش کېسین برقرار اېتیلیب و اسرائیل حربی کوچلری غزه نینگ گوجوم منطقه‌لریدن آرتگه چېکینیب و حماس بیرقطار گروگه آلینگنلرنی یوزلب فلسطین‌لیک زندانی قوییب یوباریلیشی عوضی گه آزاد اېته‌دی.
اوشبو باسقیچ ده فلسطین‌لیک تینچ اهالی اوی‌لری گه قیتیب و غزه گه هر کونی ۶۰۰ کامیون انسان پرورلیک یاردم یېتکزیب بیریلیشی ممکن.
امریکا جمهور باشلیغی اۉز بیاناتیده ، حماس اۉتگن ییل ۷ اکتوبر کبی هجوم نی اویوشتیریش گه باشقه قادر اېمس‌لیگینی بیلدیرگن.
بیزلرنینگ «ایکس» ترماغی ده هم تعقیب قیلینگ!
باشقه تاماندن، بیرلشگن ملتلر تشکیلاتی باش کاتبی آنتونیو گوترش اوشبو تکلیف نی خوش قرشی‌لب، تامان‌لر گروگه آلینگنلر قوییب یوباریلیشی، آتیش کېسین برقرار اېتیلیشی و اۉرته شرق ده دایمی صلح برقرار اېتیلیشی اوچون یره‌تیلگن فرصتدن فایده‌لنیشنی سۉره‌گن.
اسرائیل و حماس اۉرته‌سیده اوروش باشلنگنیدن ییتّی آی اۉتماقده، اوشبو مدت ایچیده غزه ده ۳۸ مینگ کیشی قربان بولیب و قریب ۸۰ مینگ کیشی یره‌لنگن.
