پسته انسانلر تامانیدن قدیم زمانلردن بویان استعمال قیلیب کېلینه‌دی. دنیاده اونینگ جوده کوپ تورلری موجود. پسته ایریم خلق‌لرده بای‌لیک و فراوانلیک رمضی هم سنله‌دی.
بوگونگی کونگه کېلیب پسته‌نینگ فایده‌لی خصوصیت‌لری حقیده کوپلب منبعلر یره‌تیلگن. طبابت، قاله‌ویرسه زمانه‌وی طبیات تامانیدن پسته ساغلیک و گوزه‌للیک اوچون مهم نعمت اېکن‌لیگی اعتراض اېتیله‌دی.
پسته انتی اکسیدلر، فایده‌لی یاغ‌لر منبعی دیر. شونینگدیک، اونینگ ترکبی‌ده انسان ارگانیزمی اوچون فایده‌لی آزوقه‌لر، پروتین، کلسیم، فسفر، عصب‌لرنی تینچ‌لنتیرووچی B همده E ویتامینلری موجود دیر. اینیقسه پسته‌نینگ قوییده‌گی فایده‌لی خصوصیت‌لرینی علیحده اعتراف اېتیش لازم.
یوره‌ک ساغلام‌لیگینی تأمینله‌یدی
پسته ضررلی کلسترول مقدارینی کمه‌یتیره‌دی. شونینگدیک، اونینگ انتی اکسیدلر گه بای‌لیگی، ترکیبی‌ده A و E ویتامینلر گه ایگه اېکن‌لیگی یللیغ‌لنیش‌نینگ آلدینی آلیب، قان تامیرلرینی حمایه قیله‌دی، شو طریقه یوره‌ک-قان تامیرلری خسته‌لیک‌لریگه چلینیش خوفینی کمه‌یتیره‌دی.
عصب‌لرنی تینچ‌لشتیره‌دی
پسته ترکیبی‌ده‌گی B6 ویتامینی عصب تیزیمینی توغری ایشله‌شیده مهم رول اوینه‌یدی. اوشبو ویتامین عصب تاله‌لری اورته‌سیده‌گی رشتهلرنینگ توغری یېتکزیلیشینی تأمینله‌یدی، تورلی عصب بوزیلیش‌لری، اویقوسیزلیک، خاطره بیلن باغلیق معمالر، حتا که روحی حالت بوزیلیش‌نینگ آلدینی آله‌دی.
بیزلرنینگ فیسبوک صحیفه‌میزگه باش اورینگ!
کوز اوچون فایده‌لی
پسته لیوتوین و زاکسانتین گه اېگه. اولر کوز گوهری و تور پرده‌سی‌نینگ مرکزی قسمی‌ده توپلنیب، اولرنینگ حمایه قابیغینی مستحکم‌له‌یدی و کوز کسل‌لیک‌لریدن حمایه قیله‌دی.
ایمن تیزیمینی مستحکم‌له‌یدی
پسته‌نی منتظم استعمال قیلیش اورگانیزم‌نینگ تشقی تأثیرلرگه قرشی‌لیگینی آشیره‌دی. اونده ایمن تیزیمی فعالیتی اوچون مهم سنه‌لگن فولیک اسید، بیوتین، ریبوفلاوین، نیاسین ویتامینلری همده فسفر، پتاسیم و مگنیزیم کبی منراللر موجود.
تیرینی یاشرتیریش خصوصیت گه اېگه
پسته E ویتامینی‌نینگ بای منبع‌سی سنله‌دی. مذکور ویتامین اېسه ساغلام تیری اوچون اېنگ مهم ویتامین‌لردن بیری حسابلنه‌دی. او تیری‌نینگ قوریشی و قری‌لیکده پیدا بولووچی دامغه (لکه)لرنینگ آلدینی آله‌دی. یاز آی‌لریده اونی کوپراق استعمال قیلیش ضرور.
بیزلرنینگ «ایکس» ترماغی ده هم تعقیب قیلینگ!
ماده‌لر المه‌شووینی یخشی‌له‌یدی
پسته ترکیبی‌ده باشقه یانغاق تورلریده بولگنی کبی کوپ یاغ موجود. اونی استعمال قیلیش‌ده هم معیاردن آشیش یره‌مه‌یدی. آزوقه‌وی تاله‌لری حسابیگه پسته آزیش‌ده یاردم بیره‌دی. او ارگانیزمنی اوزاق وقت دوامیده توق توته‌دی. تویینمه‌گن یاغ اسیدلری اېسه ماده‌لر المه‌شینوونی ترتیب گه ساله‌دی و ارگانیزم‌ده آرتیقچه یاغ توپله‌نیش‌نینگ آلدینی آله‌دی.
کم قانلیکده فایده‌لی
پسته‌نینگ ترکیبی‌ده کوپ مقدارده تیمیر ماده‌سی موجود. شونینگ اوچون اونی کم قانلیکده استعمال قیلیش توصیه اېتیله‌دی.
