شانگهای همکارلیک تشکیلات باشلیغ‌لری بوگون (۱۴-سرطان، پنجشنبه) اوشبو تشکیلات نینگ ۱۰-اعضاسی اوله‌راق بلاروس اعضا بولیشینی تصدیقله‌دیلر. دایمی ثبات برقرار اېتیلیشی، بنگی‌وار ماده‌لر و افراطیت‌چیلیکّه قرشی کوره‌ش، دنیا ترتیبی اوشبو ییغیلیش ده بحث گه آلینگن مهم موضوع‌لردن بولگنی اېتیلگن.
روسیه دولت رهبری و مذکور ییغیلیش اشتراکچیلریدن بولگن ولادیمیر پوتین، بیرلشگن ملتلر تشکیلاتی ییتکچیلیگیده عادلانه دنیا ترتیبی شکللنیشی گه تأکید اېتگن.
پوتین اۉز بیاناتیده، عادلانه دنیا ترتیبینی قۉللب-قوتلاوچی مملکت‌لر سانی آشماقده‌لیگینی بیلدیرگن.
اونینگ کوپه‌یتیریشیچه: «حاضرگی کونده عادلانه دنیا ترتیبینی قۉللب-قوتلاوچی و سنتی قدریت‌لردن مدافعه قیلووچی مملکت‌لر سانی آشماقده دیر.»
بیزلرنینگ فیسبوک صحیفه‌میزگه باش اورینگ!
معلومات‌لر اساسیده، شانگهای همکارلیک تشکیلات رهبرلری تورلی ساحه‌لر اینیقسه عادلانه دنیا ترتیبی و بنگی‌وار ماده‌لر همده افراطیت‌چیلیکّه قرشی کوره‌ش بولیم‌لریده چمه‌سی ۲۴ استراتیژیک همکارلیک بیتیم امضالش‌لری کوتیله‌دی.
خلق‌ارا مناسبت‌لر ایش بیلرمانی مجددالدین خراسانی نینگ ایشانچی گه کوره، شانگهای همکارلیک تشکیلات اعضالری، خوفسیزلیک خواطرلرینی حل قیلیش آرقه‌لی آسیا ییتکچیلیگیده دنیا ینگی ترتیبینی اۉرنه‌تیش گه سعی-حرکت قیلماقده‌لر.
اونینگ ایتیشیچه: «شانگهای همکارلیک تشکیلاتی بریکس تشکیلاتی گه قۉشیمچه اقتصادی مسئله‌لرده کوپراق مطرح دیر، حاضرگی کونده شانگهای تشکیلاتیده اقتصادی مسئله‌لر کوپراق بحث گه آلینه‌دی، اولر دنیا ینگی ترتیبینی اۉرنیه‌تیش گه سعی-حرکت قیلماقده‌لر.»
بیزلرنینگ «ایکس» ترماغی ده هم تعقیب قیلینگ!
شانگهای همکارلیک تشکیلاتی منطقه ده‌گی مهم تشکیلات‌لردن سنله‌دی، بو تشکیلات نینگ کوپینچه اعضالری اسلام امیرلیگی حاکمیتیده افغانستان بیلن دیپلماتیک و اقتصادی یخشی علاقه‌لری بار؛ بیراق شو بیلن هم افغانستان قریب اوچ ییلدن بیری مذکور تشکیلات نینگ ییغیلیش‌لریده چقیریلمه‌یدی.
شو بیلن بیرگه، شانگهای همکارلیک تشکیلاتی نینگ کوپینچه اعضالری نیچه مراتبه افغانستان اینیقسه بو مملکتده عصیانچی گروه‌لر گه قرشی کوره‌ش و همه‌شمول حکومت تشکیل اېتیلیشی گه دایر خواطر بیلدیرگن.
مذکور تشکیلات باشلیغ‌لری اوشبو باسقیچ ییغیلیشی نینگ قۉشمه بیانیه‌سیده، افغانستانده دایمی صلح و ثبات تأمین اېتیلیش یگانه یول همه‌شمول حکومت تشکیل اېتیلیشی دیب تأکیدلنگن.
سیاسی ایش بیلرمان‌لر شانگهای همکارلیک تشکیلاتیده افغانستان نینگ چیقریلمسلیگی گه مناسبت بیلدیریب ایتیشلریچه، افغانستان وضعیتی گه دایر خواطرلر گه چېک قوییش و بو مملکت بیلن یقین علاقه قوریش اوچون افغانستان بو کبی ییغیلیش‌لرده چیقریلیشی کېره‌ک.
ایتیش کېره‌ک، بوندن آلدین روسیه شانگهای همکارلیک تشکیلاتیده افغانستان نینگ اعضا بولیشی گه تاجیکستان قرشی‌لیک کورستگنینی اېتگن اېدی.
