اسلام امیرلیگی باش وزیرینینگ اقتصادی اورین باسری ملا عبدالغنی برادر، سعودی عربستان «انترنشنل دلتا کمپنیهسی»نینگ اجرائیه باشلیغی شاهر التقی بیلن اوچرهشیب، افغانستانده نفت-گازنی قیدیریش، قازیب چیقریش مسئلهسینی محاکمه قیلگن.
اسلام امیرلیگی باش وزیرینینگ اقتصادی اورین باسرلیگی، ۳-عقرب، شنبه کونی ایکس صحیفهسیده بیر بیانیه ترقهتیب بو حقده خبر بیرگن.
بیانیهده، اوشبو اوچرهشوو چاغیده امریکا قۉشمه ایالتلرینینگ افغانستان اوچون مخصوص وکیلی زلمی خلیلزاد هم بارلیگی ایتیلگن.
اسلام امیرلیگی باش وزیرینینگ اقتصادی اورین باسرلیگینینگ بیانیهسی اساسیده، بو اوچرهشووده تامانلر افغانستانده نفت-گازنی قیدیریش، قازیب چیقریش و انتقال بیریش ترماقلرینی کېنگهیتیریش حقیده بحث اېتگنلر.
شو بیلن بیرگه، سعودی عربستان دلتا انترنشنل کمپنیهسینینگ اجرائیه باشلیغی افغانستان نفت و گاز بولیمیده سرمایه کیریتیش گه قیزیقیشینی و افغانستانلیک انجنیرلر بیلن تجربهلرینی شریک قیلیشیدن ایشانچ بیرگن.
