بیرلشگن ملتلر تشکیلاتی نینگ باله‌لردن حمایت قیلووچی صندیغی یا-ده یونیسف، لوگر ولایتی مرکزی پل‌علم شهری و تومن‌لریده ۹۱۱ محلی مکتب نینگ فعالیتی نی توخته‌تگن.
مذکور مکتب‌لرده تعلیم‌دن قالگن باله‌لر، اوچینچی صنف‌گچه تعلیم کوره‌ر ایکن‌لر که، اوشبو مکتب‌لر فعالیتی توخته‌‌تیلگنی بیلن، ۳۲ مینگ اوقووچی تعلیم‌دن محروم بولگن دیر.
بیزلرنینگ فیسبوک صحیفه‌میزگه باش اورینگ!
لوگر معارف ریاستی سوزلاوچیسی شاه‌پور عرب نینگ سلام‌وطندار گه ایتیشیچه، یونیسف خارجی و ایچکی نادولتی موسسه‌لرده عیال‌لر ایشی توخته‌تیلیشی گه قرشی عکس‌العمل کورستیب و اوشبو اقدام نی انجام بیرگن.
اونینگ ایتیشیچه، اوشبو قیین‌چیلیککه حل یول تاپیش و یاپیلگن محلی مکتب‌لر نینگ آچیلیشی اوچون سعی و حرکت‌لر نینگ دوامی بار.
باشقه بیر تامان‌دن، لوگر معلومات و مدنیت ریاست رئیسی رفیع‌الله صمیم نینگ ایتیشیچه، ایچکی و خارجی نادولتی موسسه‌لر فعالیتی خصوصیده‌گی قیین‌چیلیک‌لر نینگ حلی اوچون سعی و حرکت‌لر نینگ دوامی بار.
بیزلرنینگ توییترده هم تعقیب قیلینگ!
شوندهی بیرحالده، لوگر یشاوچیلریدن قطاری اوشبو ولایت‌ده محلی مکتب‌لر نینگ یاپیلیشی‌دن خواطر بیلدیریب و مذکور قیین‌چیلیک نینگ حل بولیشی نی ایسته‌گنلر.
بیرلشگن ملتلر تشکیلاتی نینگ باله‌لردن حمایت قیلووچی صندیغی یا-ده یونیسف، لوگرده محلی مکتب‌لر فعالیتی نی شوندهی بیرحالده تعلیق حالتی گه کیلتیرگن که، نادولتی موسسه‌لرده عیال‌لر ایشی توخته‌تیلیشی گه قرشی خلق‌ارا نهاد‌لردن قطاری، اوز فعالیت‌لری نی توخته‌تیب یا-ده کمه‌یتیرگنلر.
