افغانستان مرکزیده جایلشگن بامیان، امیر توغانی بیلن بودا هیکل‌لری گه ایگه دیر. اوشبو ولایت، یشاوچیلر و خارجی‌لر اوچون دم آلیش و سیاحتچیلیک ییرلریدن حساب‌لنه‌دی؛ بیراق بامیان گه بارگن سیاحتچیلردن قطاری نینگ سلام‌وطندار گه ایتیشلریچه، مذکور ولایت‌ده دستلبکی امکانیت یوقلیگی، دم آلیش جریانیده ذوق‌لنیشلری نی کمه‌یتیرگن.
امیر توغانی گه سیاحت اوچون بارگن شریف جویا نینگ ایتیشیچه، بامیان ده برق و ایچیملیک سوو کم‌لیگی سبب، مذکور ولایت گه دم آلیش اوچون باره‌دیگن کیشی‌لر، قیین‌چیلیک بیلن روپه‌ره بوله‌دی. اونگه کوره، «قیغو بیلن بامیان نینگ کوپنیچه بولیم‌لریده برق یوق؛ برق بولمه‌گنی صورتده، برق گه تیگیشلی بولگن باشقه امکانیت‌لر هم بولمه‌یدی. بو ییر نینگ باشقه قیین‌چیلیگی ایسه سوو دیر. بامیان ده دولتی منظم سوو ییتیشتیریش بیر سیستمی یوق و اوشبو ولایت منطقه‌لریدن کوپینچه‌سی نینگ سووی شور دیر.»
بغلان دن امیر توغانی گه کیلگن محمد نینگ ایتیشیچه، بو ییر گه کیلیب دم آلگنی‌دن لذت آلگنی بیلن؛ بیراق بو ییرده دستلبکی امکانیت‌لردن قطاری نینگ یوقلیگی، کیلگنلر نی قیین‌چیلیک‌لر بیلن روپه‌ره قیله‌دی. اونینگ کوپه‌یتیریشیچه: «تورلی ولایت‌لردن بو ییر گه کیلگنلر، گوجوم‌لیک و درآمد گه قره‌گنده، بیر حاجت‌خانه هم یوق. حاضر ایسه بیر حاجت‌خانه‌ده ۴۰-۵۰ کیشی نوبت گه توخته‌گن دیر.»
بیزلرنینگ توییترده هم تعقیب قیلینگ!
شونینگدیک، امیر توغانی گه سیاحت اوچون کیلگن‌لردن باشقه بیری عبدالحمید نینگ ایتیشیچه، بو ییرده، مخابراتی و انترنتی خذمت‌لر یوق. او، امیر توغانی ملی پارکی گه کیته‌دیگن سرک نینگ خراب‌لیگی‌دن شکایت قیلیب ایتیشیچه: «یولی جدا بوله‌دیگن بولیم‌دن، حقیقتاً خراب دیر. جوده‌یم آز فاصله‌سی بار و آز بیر وقت‌ده قیر بوله‌دی و قیر بولیشی اهالی گه بیر آسایشته‌لیک دیر.»
بامیان معلومات و مدنیت ریاستی مسئوللری نینگ ایتیشلریچه، اوشبو ولایت محلی اداره‌سی، بامیان گه باره‌دیگن کیشی‌لر گه خذمت‌لر ارایه‌سی بولیمی‌ده‌گی کم‌لیک‌لر نینگ حل قیلیش اوچون سعی و حرکت قیلماقده‌لر.
بیزلرنینگ فیسبوک صحیفه‌میزگه باش اورینگ!
بامیان معلومات و مدنیت ریاستی نینگ توریزم بولیمی آمری دین‌محمد مفلح نینگ سلام‌وطندار گه ایتیشیچه: «اینیقسه امیر توغانی نینگ سرکی پشنهاد بیریلیب و صحبت قیلینگن، حاکم و باشقه دولتی ارگان‌لر بونی کورگنلر. ان‌شاءالله کیله‌جک‌ده بو توغریده ایشله‌نسین.»
بامیان سیاحتچیلیک جاذبه‌سی گه ایگه بولگنی بیلن، یالغیز جاری ییل قربان هییت بیره‌می کونلریده، کمیده ۵۰ مینگ سیاحتچی نینگ میزبانی ایکن.