افغانستان قیش‌لیک سپورت‌لر بیرلشمه‌سی باشلیغی اسد‌الله باتوری نینگ ایتیشیچه، اوتگن جمعه کونی، ۱۱-حوت، بامیان ولایتی‌ده ایکی بولیم‌ده ۱۸۰ سپورت‌چی نینگ شرکتی بیلن چنغی (اسکی) بیلله‌شولری یولگه قوییلگن.
مملکت قیش‌لیک سپورت‌لر بیرلشمه‌سی باشلیغی نینگ کوپه‌یتیریشیچه، مذکور بیلله‌شولر سپورت خصوصیده ییگیت‌لر نینگ تشویق قیلیش، بامیان ده قیش‌لیک سپورت‌لر رواجلنیشی و اوشبو سپورت‌چیلر مهارت‌لری کوچلنیشی مقصد، یولگه قوییلگن.
بیزلرنینگ «ایکس» ترماغی ده هم تعقیب قیلینگ!
اونگه کوره، بو بیلله‌شولر بامیان مرکزی «خشکک» منطقه‌سیده، «بامیان الپاین اسکی کلپ»، بامیان سپورت و جسمانی تربیه‌لش آمریتی آرقه‌لی و افغان بیسیم مخابراتی ترماغی شرکتی، افغان سپورت ترست و افغان پیکس نهادی مالی حمایتی بیلن یولگه قوییلگن.
شونینگدیک بامیان سپورت و جسمانی تربیه‌لش آمری سید‌کفیل موسوی نینگ ایتیشیچه، ۱۰۰ کیشی یاغاچ‌لی چنغی بولیمی و ۸۰ کیشی اوشبو بیلله‌شو نینگ حرفه‌یی بولیمی گه شرکت قیلگن.
بیزلرنینگ فیسبوک صحیفه‌میزگه باش اورینگ!
بامیان سپورت و جسمانی تربیه‌لش آمری نینگ کوپه‌یتیریشیچه، مذکور بیلله‌شولرده حرفه‌یی چنغی بولیمی‌ده هادی، هادی نظری و مهدی نظری ترتیب بیلن بیرینچی‌دن اوچینچی اورین‌لر نی قولگه کیلتیریب و شونینگدیک یاغاچ‌لی چنغی بولیمی‌ده هم روح‌الله، محمد‌داد و محمدی بیرینچی‌دن اوچینچی اورین‌لر نی ایگه‌لگنلر.
ایتیش کیره‌ک که، بامیان قار بیلن تولگن بلند تاغ‌لر گه ایگه بولگنی بیلن، قیش‌لیک سپورت‌لر اینیقسه چنغی اوچون مناسب دیر. اوشبو ولایت اوتگن ییل‌لرده هم نیچه چنغی بیلله‌شولری گه میزبان بولگن دیر.