بلخ خوفسیزلیک مسئوللری نینگ ایتیشلریچه، اوشبو ولایت مرکزی مزارشریف شهریده گاز بالونی پارتلشی عاقبتیده یوز بیرگن یانغینده، مالی زیانلر گه علاوه بیش کیشی یره‌لنگن.
بلخ امنیه قوماندانلیگی بیر بیانیه ترقه‌تیب ایتیشیچه، اوتگن کیچه (پنج‌شنبه، ۱۷-جوزا) ساعت ۸:۰۰ اطرافیده، مزارشریف شهری نینگ بیرینچی خوفسیزلیک حوزه حدودلریده جایلشگن «کوچه سرهنگ» منطقه‌سیده یوز بیرگن اوشبو یانغینده، بیش کیشی یره‌لنگن.
بیزلرنینگ فیسبوک صحیفه‌میزگه باش اورینگ!
مذکور بیانیه اساسیده، بو یانغین محمدنسیم اسملی بیر کیشی نینگ دکانی‌ده گاز بالونی پارتلشی عاقبتیده یوز بیریب و بلخ ولایتی اطفائیه باشقرمه‌سی آرقه‌لی اوچیریلگن.
بلخ امنیه قوماندانلیگی نینگ بیانیه‌سیده کیلیشیچه، اوشبو واقعه‌ده قریب اوچ‌یوز مینگ افغانی زیان ییتیشیب و قریب سکیز میلیون افغانی ارزشی گه ایگه بولگن توارلر نینگ یانیب کیتیشی آلدی آلینگن.
