بلخ ولایتی خوفسیزلیک رسمی‌لری نینگ ایتیشلریچه، چرس و کوکنار ایکین‌زارلری نی یوق قیلیش کمپاینی دوامی‌ده، مخدره ماده ایکیلگن قریب ۲۰۰ جریب ییر یوق قیلینگن.
بلخ ولایتی امنیه قوماندانی عبدالرزاق راشد، مخدره ماده نینگ ایکیلیشی، تولیدی و قاچاق بولیشی برابریده جدی قرشی کوره‌ش گه تاکید‌لب ایتیشیچه، سونگی ایکی آی جریانیده یولگه قوییلگن عملیات‌لر نتیجه‌سیده، مخدره ماده ایکیلگن ۲۰۰ جریب ییر مذکور ولایت نینگ بلخ، دولت‌آباد، چهاربولک، چمتال و شولگره تومن‌لریده یوق قیلینگن.
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، خوفسیزلیک رسمی‌لری نینگ کوپه‌یتیریشلریچه، مخدره ماده ایکیلگن ییرلرگه تیگیشلی، قریب ۱۰۰ کیشی قولگه آلینگن.
عین حالده، ایکینچیلردن قطاری نینگ ایتیشلریچه، سوو کم‌لیگی، زمانه‌وی ایکینچیلیک اوسکونه‌لری گه قول تاپه آلمسلیک و سرپرست حکومت آرقه‌لی بدیل ایکین ترقه‌تیلمسلیگی، کوکنار ایکیلیشی گه سبب بولگن.
بیزلرنینگ فیسبوک صحیفه‌میزگه باش اورینگ!
مذکور ایکینچیلر نینگ کوپه‌یتیریشلریچه، سرپرست حکومت آرقه‌لی ییترلی سوو گه قول تاپیش زمینه‌سی یره‌تیلگنی و بدیل ایکین ترقه‌تیلگنی صورت‌ده، مخدره ماده ایکمه‌یدیلر.
ایتیش کیره‌ک که، بوندن آلدین سرپرست حکومت رهبری بیر بویروغ ترقه‌تیش بیلن، افغانستان ده مخدره ماده ایکیلیشی، تولید بولیشی و قاچاقی تقیق‌لنگنی نی اعلام قیلگن ایدی.
