بلخ ولایتی محلی مسئوللری نینگ ایتیشلریچه، اوشبو ولایت‌ده شهر نینگ یشیل‌لیگی و چیرایلی ساحه‌لری نینگ کوپه‌یتیریلیشی مقصد، کوچت ایکیش ملی کمپاینی نی باشله‌گنلر.
بلخ ولایتی مرکزی مزارشریف بلدیه‌سی مسئوللری نینگ ایتیشلریچه، مذکور کمپاین بوگون (چهارشنبه، ۱۸-دلو)، محلی رسمی‌لر نینگ حضوری بیلن باشلنیب و ۱ یوز ۵۰ مینگ کوچت نینگ ایکیلیشی ممکن.
بیزلرنینگ فیسبوک صحیفه‌میزگه باش اورینگ!
مزارشریف بلدیه‌سی محمدکاظم طارق نینگ ایتیشیچه، ایکیله‌دیگن میوه‌لی و میوه‌سیز کوچتلر، دولتی نهادلر هماهنگ‌لیگیده بلخ ولایتی نینگ بیر قطار بولیم‌لریده ایکیلیشی ممکن.
شونده‌ی بیرحالده، محلی مسئوللر یشیل ساحه‌لر نینگ ایجاد قیلیش، اطراف-محیط‌نی سقلش، هوا نینگ پاک‌لیگی و شهر چیرایلی خصوصیده کوچت ایکیش فایده‌سی گه تاکید‌لب، مسئول نهادلر آرقه‌لی کوچتلر نینگ منظم شکلده سووغاریلیشی و سقلنیشینی ایسته‌گن.
بیزلرنینگ «ایکس» ترماغی ده هم تعقیب قیلینگ!
بلخ حاکمی اورین‌باسری نورالهادی ابوادریس نینگ ایتیشیچه: «یشیل ساحه‌لر نینگ کوپه‌یشی اوچون کوچت ایکیلیشی اونملی دیر و بو فرهنگ رواجلنیشی خصوصیده برچه یشاوچیلر نینگ سهم آلیشی کیره‌ک.»
شونده‌ی بیرحالده، بلخ ولایتی یشاوچیلری کوچت ایکیلیش کمپاینی باشلنگنی‌دن خورسند‌لیک قیلیب، سرپرست حکومت‌دن ایکیلگن کوچتلر نینگ سقلنیشی اوچون منظم برنامه‌لر نینگ نظر گه آلیشلری نی ایسته‌گنلر.
