افغانستان آزیق-آوقت و دارو ملی اداره‌سی مسئوللری نینگ ایتیشلریچه، بازارنی کنترول قیلیش و تاریخی اوتگن و صفتسیز دارولر وارد بولینیشی آلدی آلینیشی مقصد بلخ ولایتی‌ده اوشبو اداره نماینده‌لیگی نینگ رسمی فعالیتی باشلنگن.
آزیق-آوقت و دارو ملی اداره‌سی سرپرستی عبدالباری عمر، اوتگن دوشنبه کونی ۳-ثور، صفتلی دارو‌لردن فایده‌لنیش نی یشاوچیشلر حقی دیب و ایتیشیچه، اوشبو اداره نماینده‌لیگی آزیق-آوقت و دارو نینگ قنده‌ی ترقه‌تیلیشی و صفتی نی نظارت قیلیش مقصد فعالیت گه باشله‌گن.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، بلخ محلی رسمیلری اوشبو ولایت‌ده افغانستان آزیق-آوقت و دارو ملی اداره‌سی نماینده‌لیگی نینگ فعالیت گه باشله‌گنی‌دن خورسند‌لیک قیلیب و دارویی صناعت توغریسیده ایچکی تولیدات کوپه‌یشی گه تاکید قیلگن.
بلخ حاکمی محمدیوسف وفا داروسازلیک صناعتی بولیمی‌ده سرمایه یاتقیزیلیشی‌نی ایسته‌ب ایتیشیچه: «سرمایه یاتقیزووچیلر توپلم بیر شکلده دارو ایشلب چیقیریلیشی‌ده سرمایه یاتقیزسینلر که بو رقم صفتسیز و تاریخی اوتگن دارولر نینگ وارد بولیشی آلدی آلینسین.»
عین حالده، آزیق-آوقت و دارو ملی اداره‌سی سرپرستی مملکت‌ده دارو ایشلب چیقره‌دیگن ایش‌خانه‌لردن حمایت بولیشی اوچون سعی‌و حرکت‌لردن صحبت قیلیب و ایتیشیچه، حاضر ایسه مملکت‌ده ۶۷ دارو ایشلب چیقرووچی ایش‌خانه نینگ فعالیتی بار.
بیزلرنینگ «ایکس» ترماغی ده هم تعقیب قیلینگ!
شونینگدیک عبدالباری عمر نینگ ایتیشیچه، حاضر افغانستان نینگ دارو خره‌جتلری قریب بیرمیلیارد دالر بولیب و اونینگ ۲۵ فایزی ایچکی تولیدات‌دن تامین بوله‌دی.
افغانستان نینگ شمال دارویی بیرلشمه‌سی مسئوللری و شفاکارلریدن قطاری بلخ ده مذکور اداره نینگ فعال بولگنی‌دن خورسند‌لیک قیلیب و ایتیشلریچه، بوندن کیین بو اداره نینگ ییچیم یوللری‌گه عمل قیله‌دیلر.
