بغلان قیشلاقلر نی رواجلنتیریش و قیته قوریش ریاستی مسئوللری اوشبو ولایت‌ده سونگی سوو تاشقینلر نتیجه‌سیده، ۳۰۰ سوو منبع‌سی نینگ ویران بولگنی‌دن خبر بیرگنلر.
بغلان قیشلاقلر نی رواجلنتیریش و قیته قوریش ریاستی نینگ مهندس‌لیک بوییچه عمومی مدیری وسیم واحدی نینگ سلام‌وطندار گه ایتیشیچه، مذکور ولایت‌ده یوز بیرگن سونگی سوو تاشقینلر و یاغیشلر، ۱۴ سوو ییتکزیش ترماغی بیلن قودوقلر و بولاقلر شامل ۳۰۰ سوو منبع‌سی نی بوتونلی و قسمی شکلده خراب قیلگن.
بیزلرنینگ «ایکس» ترماغی ده هم تعقیب قیلینگ!
واحدی نینگ کوپه‌یتیریشیچه، سوو ییتکزیش ترماقلری و سوو منبع‌لری کوپراق بغلان مرکزی و برکه تومنلریده ویران بولیب و اورته‌دن کیتگن.
بغلان قیشلاقلر نی رواجلنتیریش و قیته قوریش ریاستی نینگ مهندس‌لیک بوییچه عمومی مدیری گه کوره، سوو منبع‌لری بیلن سوو ییتکزیش ترماقلری بغلان مرکزی و برکه تومنلریده ۷۰ فایز و پلخمری، دهنه‌ی غوری، دندی غوری و دوشی تومنلریده ایسه ۳۰ فایز ویران بولگن.
اونینگ ایتیشیچه، بغلان مرکزی و برکه تومنلریده ایچیم‌لیک سوو گه نیازلری بولگن ۲۰۰۰ کیشی گه، کونده بغلان قیشلاقلر نی رواجلنتیریش و قیته قوریش ریاستی آرقه‌لی ایچیم‌لیک سوو انتقال بیریله‌دی.
شونینگدیک واحدی نینگ کوپه‌یتیریشیچه، ایچیم‌لیک سوولر نینگ افلاسلنگن ساحه‌لرده، ۲۰۰۰ کیشی گه ساغلیق کیت‌لر ترقه‌تیلگن.
بیزلرنینگ فیسبوک صحیفه‌میزگه باش اورینگ!
ایتیش کیره‌ک که، سوو ییتکزیش ترماقلری نینگ قیته قوریش اوچون اقدام بولیب و بو ریاست موسسه‌لر هماهنگ‌لیگی‌ده ویران بولگن ترماقلر نینگ قیته قوریش اوچون سعی‌وحرکت قیلماقده.
بو بیلن بیرگه، بغلان نینگ «شمرق» ساحه‌سیده‌گی یشاوچیلردن قطاری سوو قودوقلری نینگ خراب بولگنی و ایچیم‌لیک سوو یوقلیگی‌دن شکایت قیلیب و ایتیشلریچه، کونده پول بیلن ایچیم‌لیک سوو ساتیب آله‌دیلر.
