بغلان ایکینچیلیک ریاستی مسئوللری اوشبو ولایت نهرین تومنی‌ده بیر قطار دهقان گه بوغدای اوروغی بیلن کیمیاوی کود ترقه‌تیلگنی‌دن خبر بیرگنلر.
بغلان ایکینچیلیک، سووغاریش و چاوره‌چیلیک ریاستی نینگ مطبوعات بولیمی مسئولی ولی امرخیل نینگ ایتیشیچه، مذکور یاردم‌لر «FAO» موسسه‌سی مالی حمایتی بیلن اکتید موسسه‌سی همکارلیگیده، ۲ مینگ دهقان گه ترقهتیلگن.
بیزلرنینگ فیسبوک صحیفه‌میزگه باش اورینگ!
جناب امرخیل، اصلاح بولگن بوغدای اوروغی، آق و قاره کود‌دن عبارت بولگن مذکور یاردم‌لر نینگ ترقه‌تیلگنی‌دن مقصد، حاصلات سطحی کوپه‌یشی و ایکینچیلر نینگ قوللب-قوتلنیشی دیگن.
شونده‌ی بیرحالده، بدخشان ایکینچیلیک ریاستی مسئوللری نینگ ایتیشلریچه، حاصلات سطحی کوپه‌یشی مقصد، اوشبو ولایت کوف‌‌آب تومنی‌ده ۶۰۰ دهقان گه بوغدای اوروغی بیلن کیمیاوی کود ترقهتیلگن.
بیزلرنینگ «ایکس» ترماغی ده هم تعقیب قیلینگ!
بدخشان ایکینچیلیک، سووغاریش و چاره‌چیلیک ریاستی باشلیغی امان‌الله حسن نینگ ایتیشیچه، مذکور یاردم‌لر «FAO» موسسه‌سی بیلن ناروی دفتری همکارلیگیده ترقهتیلگن.
ایتیش کیره‌ک که، بدخشان ده اوشبو یاردم‌لر نینگ ترقه‌تیلیش جریانیده، ایکینچیلیک ریاستی نینگ مسلکی ایشلاوچیلری تامانیدن اصلاح بولگن بوغدای اوروغی‌دن قوللنیش فایده‌سی، بوغدای نینگ ایکیلیشی و ییغیم-تیریمی روشلری و بو اقدام‌لر نینگ کسل‌لیک و آفت‌لر طفیلی زیان‌لر نینگ کمه‌یشی خصوصیده ایکینچیلر گه آگاهی‌لیک بیریش اوچون معلومات بیریلگن.
