ییترلی امکانیت‌لر بولمه‌گنی، بیللی بیر بازار یوقلیگی و باشقه مملکت‌لردن عسل وارد بولیشی کبی قیین‌چیلیک‌لر بولگنی بیرحالده، بیراق بغلان ولایتیده عیاللردن قطاری اری‌چیلیککه قیزیقیب و بو ایش بیلن شغللنگنلر.
اری‌چیلیک‌نی تورموش اورتاغی‌دن اورگنیب و حاضر ایسه باله‌لری بیلن بیرگه بو ایش بیلن شغللنگن اریچی عیاللردن بیری جمیلهنینگ ایتیشیچه: «تورموش اورتاغیم اری‌چیلیک بیلن شغللنگن ایدی و مین هم اونینگ بیلن همکارلیک قیله‌ر ایدیم و کیین اوزیم هم اورگن‌دیم. حاضر ایسه بو ایش‌گه کوپ قیزیققن‌مین و اوزیم باله‌لریم بیلن بیرگه ایشله‌ب بو یول آرقه‌لی حیات خره‌جتی‌نی تامین‌له‌یمیز.»
بیزلرنینگ «ایکس» ترماغی ده هم تعقیب قیلینگ!
شونینگدیک جمیلهنینگ ایتیشیچه، حتا اری‌چیلیک‌نی باشقه عیاللرگه اورگه‌تیش اوچون بیر انجمن آچگن ایکن که مذکور انجمن‌نینگ حاضر فعال بولمه‌گنی بیلن، بیراق ینه هم صفتلی عسل ییتیشتیریش‌گه دوام بیرگن.
بغلان ولایتیده نه فقط جمیله اری‌چیلیک بیلن شغللنگن، بلکیم اونینگ کبی باشقه عیاللر هم بو توغریده ایشلب و عایله نیازلرینی تامین قیله‌دیلر.
مذکور عیاللردن درخشان، اری‌چیلیک‌نینگ عایله اقتصادی توغریسیده ایجابی تاثیری‌نی بیان قیلیب و ایتیشیچه: «اری‌چیلیک آرقه‌لی کوپ رواجلندیک. اری‌چیلیک‌نی عایله‌میز‌دن اورگن‌دیک و بو یول‌ده ایشلب و تجربه آلدیک. بو جوده‌یم یخشی بیر ایش دیر. عیاللر اوی‌گه هم بو ایش نی قیله آله‌دیلر.»
شونده‌ی بیرحالده، بغلان ده عسل ساتووچیلر‌دن بیری خالد‌نینگ ایتیشیچه: «ثابت بیر بازار بولمه‌گنی بیلن، بیراق اریچی عیاللر عسل محصوللری‌نی دکان‌لرگه ساته آله‌دیلر، چونکه عسل‌‌نی ساتیب آله‌دیگن بیران شرکت یوق.»
اونینگ کوپه‌یتیریشیچه، اهالی‌نینگ اقتصادی وضعیتی هم عسل ساتیلیشی کمه‌یشی توغریسیده اونملی عامللردن بیری دیر، چونکه اهالی‌دن کوپ قطاری یوقاری قیمت بیلن عسل ساتیب آلیش‌گه کوچلری ییتیشمه‌یدی.
عین حالده، عدالت کوپراتیف مسئولی فریدون نعیمی‌نینگ ایتیشیچه، حاضرگچه سوداگرلر و اری‌چیلر آره‌سیده علاقه قوریش اوچون بیر قطار برنامه‌لر اوتکزیلگن، لیکن سوداگرلر‌نینگ آز قیمت‌گه ایسته‌شی سبب درست بیر نتیجه آلینمه‌گن. شونینگدیک او تقلبی عسل‌لر‌نینگ وارد بولیشی آلدی آلینیشی‌گه تاکید‌لب و کوپه‌یتیریشیچه: «اری‌چیلر نماینده‌لیگی‌گه بیر قطار برنامه‌لرگه شرکت قیلدیک. بو برنامه‌لرده بیر مقدار عسل ساتدیک، لیکن سوداگرلر آز قیمت گه تیله‌یدیلر. تشقی‌دن هم کوپ عسل وارد بوله‌دی و بو موضوع‌نی نیچه مرته دولت بیلن شریک قیلگن‌میز.»
بیزلرنینگ فیسبوک صحیفه‌میزگه باش اورینگ!
بو بیلن بیرگه، ایکینچیلیک ایشلری بوییچه ایش بیلرمان تاج‌محمد احمدزی‌نینگ ایتیشیچه: «بو ییل‌ده یوز بیرگن یخشی یاغینگرچیلیک‌لر، کوکلم موسومی‌ده اری‌چیلر وضعیتی‌نی امید‌وار قیله‌دی. بغلان تاغلری طبیعی اوسیم‌لر بیلن توله دیر که صفتلی عسل ییتیشتیریلیشی‌‌گه سبب بوله‌دی.»
بغلان مرکزی پلخمری شهری، بغلان مرکزی، دهنه‌ی غوری و نهرین تومن‌لریده اری‌چیلیک اونملی ایکینچیلیک فعالیت‌لری و عایله‌لردن کوپ قطاری اوچون درآمد منبع‌سی حساب‌لنه‌دی. بغلان ولایتی‌نینگ اقلیمی شرایطی مناسب بولگنی اوچون اری‌چیلردن حمایت بولگن صورت‌ده، بو صناعت کیله‌جک‌ده اقتصادی پایدار بولیم‌گه اوزگه‌ریشی ممکن.
