بدخشان بیلیم یورتی مسئوللری، اوشبو بیلیم یورت ابتکاری و عالی اوقوو وزیرلیگی نینگ حمایتی بیلن یولگه قوییلگن اوچ کون‌لیک کنفرانس ده، علمی، تدقیقاتی ۳۸ مقاله تیارلش بیلن بیرینچی اۉرین‌نی ایگلله‌گن.
اوشبو کنفرانس ده، مملکت نینگ بیرقطار ییریک بیلیم یورت‌لری رسمی‌لری هم قتنشگن اېدیلر.
بدخشان بیلیم یورتی نشرات آمری صلاح‌الدین قاری‌زاده نینگ سلام‌وطندار گه ایتیشیچه، اوشبو کنفرانس نینگ رده‌بندلیک نتیجه‌سی عالی اوقوو وزیرلیگی و بیرقطار بیلیم یورت‌لر نینگ وکیللریدن تشکیل اېتیلگن صلاحیتلی کمیته تامانیدن عملگه آشیریلگن.
بیزلرنینگ فیسبوک صحیفه‌میزگه باش اورینگ!
اونگه کوره، اوشبو رده‌بندلیک اساسیده، بدخشان بیلیم یورتی ۳۸ مقاله بیلن بیرینچی اۉرینده، تخار بیلیم یورتی ۹ مقاله بیلن ایکّینچی اۉرینده، بامیان بیلیم یورتی ۸ مقاله بیلن اوچینچی اۉرینده و کابل بیلیم یورتی ۷ مقاله بیلن تورتینچی اۉرینده قرار تاپگنلر.
قاری زاده نینگ کوپه‌یتیریشیچه، افغانستان سیاحتچیلر جاذبه‌لری ملی کنفرانسی ده، مملکت نینگ ییریک بیلیم یورت‌لری جمله دن کابل، هرات، بلخ، ننگرهار و خوست بیلیم یورت‌لری تامانیدن مقاله یوباریلگن اېدی.
ایتیش کېره‌ک، بو کنفرانس بیرینچی مراتبه مملکت ده سیاحتچیلر صناعتی رواجلنیشی و سیاحتچیلر جاذبه‌لرینی تانیشتیریش مقصدیده یولگه قوییلگن اېدی.
بیزلرنینگ «ایکس» ترماغی ده هم تعقیب قیلینگ
بدخشان بیلیم یورتی مسئوللری، اوشبو ملی کنفرانس ده ۱۰۸ علمی و تدقیقاتی مقاله تیارلنگن و اولر ارا اېنگ مهم ۴۰ مقاله اوچ کون ایچیده اشتراکچیلر نینگ حضوری ده اوقیلگنینی معلوم قیله‌دیلر.
بدخشان بیلیم یورتی ده افغانستان سیاحتچیلر جاذبه‌لری ملی کنفرانسی دولت یوقاری مرتبه‌لی رسمی‌لری نینگ حضوری بیلن ۵-جوزا، شنبه کونی باشلنیب و ۷-جوزا دوشنبه کونی یکونلنگن.
