ایران بیلن امریکا و اسرائیل اورتهسیده ۳۶ کوندن بیری اوروش دوام ایتماقده ایکن، آذربایجان ۲۰۰ تُن انسان پرورلیک یاردم ایران گه یوبارگن.
ییتکرمهلرنینگ معلوماتیگه کوره، ایکی مملکت دولت رهبرلری الهام علیاوف و مسعود پزشکیان اورتهسیدهگی تلفون ملاقاتیدن سونگ، آذربایجان ایران گه انسان پرورلیک یاردمنینگ ینگی یوکینی یوبارگن.
عمومی وزنی ۲۰۰ تننی تشکیل ایتگن اوشبو یوک ترکیبی گه ۱۹۰ تُن آزیق-آوقت محصولاتلری، ۷ تُن بیرینچی طبی یاردم اوچون دارو-درمانلر و ۳ تُن طبی بویوملر کیریتیلگن. یاردم یوکی ۱۰ ته یوک موتریده ییتکزیب بیریلگن.
بو یقین شرق دهگی وضعیت کیسکینلشگنیدن بویان آذربایجان تامانیدن ایران گه یوباریلگن اوچینچی انسان پرورلیک یاردم حسابلنهدی.
بوندن آلدین، اوزبیکستان و قرغیزستان دولتلری تامانیدن ایران خلقی گه انسان پرورلیک یاردملر یوباریلگن ایدی.
