اسلام امیرلیگی تشقی ایشلر وزیرلیگینینگ اعلام قیلیشیچه، افغانستانلیک ۱۴ محبوس آذربایجان قماقخانهلریدن قوییب یوباریلگن.
مذکور وزیرلیکنینگ بوگون (۱۸-دلو، شنبه)، اکس صحیفهسیده یازیشیچه، اوشبو افغانستانلیک محبوسلر آذربایجان رهبرلیگی بویروغی و بو مملکت پایتختی باکو شهریده اسلام امیرلیگی ایلچیخانهسی سعیوحرکتی بیلن قوییب یوباریلگن.
تشقی ایشلر وزیرلیگی، مملکتلرده افغانستانلیک محبوسلر دوسیهلرینی کوزهتیش و حل قیلیش جریانینینگ دوام بیریشیدن ایشانچ بیرگن.
شونینگدیک بوندن آلدین هم، افغانستان یشاوچیلریدن قطاری پاکستان، عراق، بریتانیا، بیرلشگن عرب امیرلیگی و عمان قماقخانهلریدن آزاد بولیب و افغانستان گه قیتریلگنلر.
