بوگون (سه‌شنبه، ۳-اسد)، عیاللر نینگ گوزه‌للیک سالون‌لرینی یاپیش مهلتی؛ مینگ‌لرچه کیشی اوچون اوی‌دن تشقری‌ده ایشلش نینگ یکونی و اقتصادی قیین‌چیلیک‌لر نینگ باشلنیشی دیر.
بوندن آلدین، اسلام امیر‌لیگی نینگ امر‌بالمعروف و نهی عن‌المنکر وزیرلیگی، ۳-اسد‌گچه افغانستان بویلب برچه عیاللر نینگ گوزه‌للیک سالون‌لری یاپیلیش بویروغی نی بیرگن ایدی.
شونده‌ی بیرحالده، اوتگن کون توش‌دن کیین ساعت اوچ اطرافیده، کابل ولایتی شهرنو منطقه سرک‌لریده عیاللر نینگ گوزه‌للیک سالون‌لری گه باردیم؛ آرایشچی‌لر گوزه‌للیک سالون‌لر ایشیگی نی یاپیشلری بیرحالده، کیله‌سی کونلر خصوصیده خواطر بیلدیرگنلر. مذکور گوزه‌للیک سالون ایگه‌لریدن قطاری نینگ ایتیشلریچه، آرایشگرلیک بولیمی‌ده ییل‌لر ایش و سرمایه یاتقیزیشدن کیین، بوگون وسیله‌لری نی توپلب و سالون‌لر ایشیگی نی یاپیش گه مجبورلر.
بیزلرنینگ توییترده هم تعقیب قیلینگ!
گوزه‌للیک سالون ایگه‌لریدن بیری نینگ ایتیشیچه، اوشبو سالون‌لردن هر بیری نینگ یاپیلیشی بیلن، ۷-۲۰ عایله نینگ دسترخوان‌لریدن نان آلینه‌دی. کابل شهری‌ده گوزه‌للیک سالونی مسئولی شازیه، قریب ۳۰ ییل‌دن بیری بو یول آرقه‌لی عایله نفقه‌سی نی تامین قیله‌دی و اوزی یانیده باشقه ۱۵-۲۰ قیز گه هم ایش زمینه‌سی نی یره‌تگن دیر. اونینگ ایتیشیچه: «اوشبو شاگردلردن هر بیری نینگ ایری ایش‌سیز یا-ده عایله خره‌جتی نی تامین قیله‌دیگن یالغیز کیشی ایدی و باشقه بیر تامان‌دن، مکتب و بیلیم یورت‌دن محروم بولگن عیاللر ایدی که بو ییر گه کیلیب ایش بیلن شغللنگن ایدی.»
شازیه شاگرلری بیلن اولتیریب و نابیللی کیله‌جک‌لری خصوصیده خواطر بیلدیریب ایتیشلریچه، اسلام امیر‌لیگی گوزه‌للیک سالون‌لر نی یاپیش‌دن آلدین، اولر اوچون ایش اسلوبی نی بیللی قیلیب و اونینگ اساسیده، حرکت قیلیشلری کیره‌ک ایدی.
کابل شهری‌ده آرایشگرلردن باشقه بیری هدیه، ییل‌لردن بیری عایله نیازلری نی آرایشگرلیک یولی آرقه‌لی تامین قیله‌ر ایکن. اونینگ ایتیشیچه، گوزه‌للیک سالون‌لری نینگ یاپیلیش بویروغی نی ایشیتگنلریدن کیین، هر کون بوندن کیین، قیسی یول آرقه‌لی عایله خره‌جتی نی تامین‌لنیشی نی اویلا‌ماقده دیر. «بو یول آرقه‌لی عایله‌م نینگ خره‌جتی نی تامین قیله‌ر ایدیم. عایله‌ده ۱۳ کیشی‌میز. ایناغه‌م پارتلش‌ده شهید بولدی، آته‌م کیکسه دیر؛ حاضر ایسه نیمه قیله‌یلیک و قیرگه کیته‌یلیک، کیم مینگه معاش بیره‌دی. گناه بولمسه ایدی، اوزیم نی اولدیریدیم.»
عیاللر گوزه‌للیک سالون‌لری نینگ یاپیلیشی، اوتگن کیچه هدیه نینگ کسل بولیب کسل‌خانه گه باریشی گه سبب بولگن.
شونینگدیک کابل نینگ شهرنوی‌ده گوزه‌للیک سالون‌لردن بیریگه باردیم؛ بیراق اوتمیش‌لر گه قرشی، بوش سالون و قیغولی بیر آرایشگر بیلن روپه‌ره بولدیم. مذکور سالون مسئولی ناهید نینگ ایتیشیچه، ۲۰ مینگ دالر اوشبو دکانی گه سرمایه یاتقیزگن دیر؛ بیراق حاضر ایسه برچه سرمایه‌سی قولیدن کیته‌دی. «آلتی شاگردیم بار ایدی، قریب ۲۰ مینگ دالر سرمایه یاتقیزدیم. بوگون سون کون دیر. بیزلر بیلن ایشله‌یدیگن کیشی‌لردن کوپینچه‌سی، کوپ قیغولی و ایغله‌دیلر.»
ناهید، او و باشقه آرایشگرلر نینگ آزیق-آوقات و باشقه نیازلری نینگ قنده‌ی تامین قیلیشلری خصوصیده خواطرده دیر.
بیزلرنینگ فیسبوک صحیفه‌میزگه باش اورینگ!
کابل شهری نینگ گوزه‌للیک سالون‌لریدن باشقه بیری‌ده، بیر عیال چقلاغی بیلن دکان نینگ بیر چیککه‌سیده قیغو بیلن اولتیرگنی نی کوردیم. آرایشگر نینگ شاگردی صفتیده ایشله‌دیگن نسرین نینگ ایتیشیچه: «عایله خره‌جتی نی یالغیز مین تامین‌له‌یمن. بو ییر اوییم و آرقه‌م‌ده تاغ کبی ایدی مینگه.»
عیال آرایشگرلردن قطای، سرپرست حکومت رسمی‌لریدن، گوزه‌للیک سالون‌لر نینگ یاپیلیشی‌دن کیین، باشقه بیر بولیم‌لرده اولر گه ایش زمینه‌سی یره‌تیلیشی نی ایسته‌یدیلر؛ عکسینچه حالده، اولر هم باشقه عیاللر کبی تیلنچی‌لیککه یوز کیلتیریش خصوصیده مجبورلر.
گزارش‌لر اساسیده، افغانستان ده قریب ۶۰ مینگ عیال، گوزه‌للیک سالون‌لرده ایش بیلن شغللنیب و بو یول آرقه‌لی حیات نیازلری نی تامین قیله‌ر ایکنلر.