گزارش‌لر اساسیده، سونگی بیر هفتهده، تورلی ولایت‌لرده بیش خبرچی اسلام امیرلیگی خوفسیزلیگ کوچلری تامانیدن حبس گه آلینگن.
شونده‌ی بیرحالده، اوتگن هفته یکشنبه کونی باختر آژانسی خبرچیسی سید‌وحید‌الله ابدالی، اوشبو واقعه‌دن اوچ کوندن سونگ، ننگرهار ده فقیرمحمد فقیرزی و جان‌آقا صالح، پکتیا مرکزی گردیز شهری‌ده حبیب‌الله سراب و قندوز ده سلام‌وطندار خبرچیسی حسیب‌الله حساس، اسلام امیرلیگی کوچلری تامانیدن حبس گه آلینگن خبرچیلردن دیر و حاضرگچه اولر نینگ حبس گه آلینیش دلیلی بیللی ایمس.
بیزلرنینگ توییترده هم تعقیب قیلینگ!
معلومات و مدنیت وزیرلیگی نینگ نشراتی معینی حیات‌الله مهاجر فراهی نینگ ایتیشیچه، خبرچیلر نینگ قولگه آلینیش سببی تیکشیریلیشیدن کیین، اولر نینگ قوییب یوباریلیش‌لری ممکن.
اونینگ کوپه‌یتیریشیچه: «خبرچیلیک ایشی‌دن اَیری موضوع‌لر اوچون قولگه آلینه‌دیگن خبرچیلر نینگ قولگه آلینیشی‌دن معلوماتی‌میز یوق و شونینگدیک سببی تیکشیریلگنی‌دن کیین، اولر نینگ قوییب یوبارلیشی اوچون چاره کوریله‌دی.»
شونده‌ی بیرحالده، خبرچیلردن قطاری، خبرچیلر نینگ قولگه آلینیش واقعه‌لری کوپه‌یگنییدن خواطر بیلدیریب ایتیشلریچه، بو وضعیت دوام ایتگن تقدیرده، اولر اوز وظیفه‌لرینی ترک ایتیش‌لری ممکن.
شمشاد تلویزیونی خبرچیسی سمیع‌الله الکوزی نینگ ایتیشیچه: «سونگی کون‌لر خبرچیلر نینگ قولگه آلینیشی ناامید قیلووچی دیر و اوشبو پروسه نینگ دوام تاپیشی میدیا ایشلر دوامی بولیمی‌ده خواطرلر نی کوپه‌یتیریشی ممکن و خبرچیر هم جامعه نینگ عادی یشاوچیلری کبی سیاسی هیچ بیر ایش‌ده طرفی یوق و اولر نینگ قولگه آلینیشی خواطرلنتیرووچی دیر.»
بیزلرنینگ فیسبوک صحیفه‌میزگه باش اورینگ!
شونینگدیک رادیوکلید خبرچیسی تاج‌ولی غورزنگ نینگ ایتیشیچه: «اوتگن بیر هفتهده ۵ خبرچی قولگه آلیندی و بو خواطرلنتیرووچی دیر و اسلام امیر‌لیگی‌دن حاضرگی خواطرلر و قیین‌چیلیک‌لر نینگ حل قیلیشی نی ایسته‌یمیز.»
ایتیش کیره‌ک که، بوندن آلدین معلومات و مدنیت وزیرلیگی، میدیالر فعالیتی خصوصیده هیچ بیر امنیتی نهاد نینگ اره‌لشیش گه حقی یوق‌لیگی و خبرچیلر نینگ برچه دوسیه‌سی، رسانه‌لر تخطی‌‌سی و قیین‌چیلیکلرینی حل قیلووچی کمیسیون تامانیدن تیکشیریلیشینی بیلدیرگن ایدی.
