استرالیا تشقی ایشلر وزیری پنی وانگ، امریکا و ایران دن آتیش کیسیننی سقلهب و مذاکرهلرنینگ قیته باشلشنی سورهگن.
الجزیره خبری ترماغینینگ گزارشی اساسیده، استرالیا ییتکرمهلری ترقهتگن بیانیهده وانگنینگ ایتیشیچه: «قیغو بیلن امریکا و ایران آرهسیدهگی اسلامآباد مذاکرهلری کیلیشووگه ایریشیلمهی یکونلنگن. حاضر مهم نرسه آتیش کیسین دوام قیلیشی و مذاکرهلرگه قیتیش دیر. بیزلر هم مذکور کیسکینلیکنینگ تیزلیککه حل بولیشینی ایستهیمیز.»
استرالیا تشقی ایشلر وزیرینینگ آگاهلنتیریشیچه: «هر قندهی کیسکینلشوو کوپراق انسانی یوقاتیشلرگه آلیب کیلهدی و دنیا اقتصادینی کوپراق تاثیر آستیگه قوییشی ممکن.»
امریکا جمهور باشلیغی اورینباسری جیدی ونسنینگ بوگون اعلام قیلیشیچه، مذاکره قیلهدیگن گروهی ۲۱ ساعت مذاکرهدن کیین، ایران بیلن بیر کیلیشووگه ایریشمسدن پاکستاننی ترک قیلگن.
رویترز آژانسی اوندن نقل قیلیب گزارش بیریشیچه: «یامان خبر بو دیر که کیلیشووگه ایریشمهدیک و مینیمچه، بو خبر امریکا گه قرهگنده ایران اوچون جوده یامانراق دیر.»
ونسنینگ کوپهیتیریشیچه، ایران امریکانینگ شرایطی جملهدن هستهای قورال توزهتمسلیک تعهدینی قبول قیلمسلیککه قرار قیلدی.
شوندهی بیرحالده، تسنیم آژانسینینگ گزارش بیریشیچه، امریکانینگ «حددن تشقری ایستهکلری» کیلیشووگه ایریشیشگه توسیق بولیب و مذاکرهلر یکونلنگن.
