بغلان ولایتی نهرین تومنیده «سیدپادشاه آغا» زیارتگاهیده ۱۰ کیشی اوققه توتیلیب اولدیریلیشیدن سۉنگ، اسلام امیرلیگی سۉزلاوچیسی، مذکور واقعه جنایتچیلری قولگه آلینیش وعده‌سینی بیرگن.
مجاهد جنابلری، سلام‌وطندار بیلن اۉتکزگن صحبتیده، اسلام امیرلیگی کوچلری بونده‌ی «جنایت‌لر» گه توسیق بولیشیدن ایشانچ بیرگن.
اسلام امیرلیگی سۉزلاوچیسی، افغانستان‌نینگ هر بیر یشاوچیسی، تینچ فضاده حیات کیچیریب و مذهبی مراسملرینی اۉتکزیش گه حقی بارلیگینی معلوم قیلگن.
اونینگ کوپه‌یتیریشیچه: «انشاءالله یقینده جنایتچیلر قولگه آلینیب و جزالنتیریله‌دیلر. بو کبی واقعه‌لر قیتریلمه‌یدی. چونکه یشاوچیلر عبادت و مراسم‌نی تینچ فضاده اۉتکزیش‌لری کېره‌ک، انشانءالله خوفسیزلیک کوچلر کوپراق دقت قیلیشی ممکن.»
بیزلرنینگ فیسبوک صحیفه‌میزگه باش اورینگ!
اوشبو واقعه طفیلی قربان بولگنلر عایله اعضالری‌نینگ ایتیشلریچه، بو زیارتگاه‌ده ۱۵ ییلدن بیری صوفی‌لر ییغیلیب و «ذکر» قیلیب کېلگنلر.
قربان بولگنلرنینگ کوپینچه‌سی کمبغل کیشیلر بولیب و عایله‌لری‌نینگ سرپرستی اېکنلرینی معلوم قیله‌دیلر، واقعه طفیلی قربان بولگنلرنینگ عایله اعضالری.
مذکور واقعه‌ده ایناغه‌سی قربان بولگن بغلان ولایتی نهرین تومنی یشاوچیسی اجمل گه کوره: «بو واقعه عایله‌ده قیغو و الم گه سبب بوله‌دی. صبر قیلیشدن باشقه چاره یوق. مسجد ایچیده دعا، سجده، نماز اوقیش پیتیده بونده‌ی واقعه یوز بیریشی دهشتلی دیر، اولر کمبغل کیشی بولیب و عایله‌لری‌نینگ سرپستی بولگنلر عموم آلگنده الله‌نینگ اوی و مسجد گه حرمت‌سیزلیک دیر.»
بیزلرنینگ «ایکس» ترماغی ده هم تعقیب قیلینگ!
بوندن آلدین، تصوف اهلی عبادتخانه‌لری نیچه مراتبه قانلی هجوم گواهی بولگن.
۱۴۰۱-ییل، ثور آیی‌ده کابل شهری آلتینچی ناحیه حدودلریده ییرلشگن خانقاه‌ده اویوشتیریلگن هجوم عاقبتیده ۱۰ کیشی قربان بولیب و ۲۰ دن آرتیق کیشی یره‌لنگن اېدی. خودّی شو ییل‌نینگ جوزا آیی‌ده هم، قندوز ولایتی امام‌صاحب تومنیده بیر خانقاه‌ده ییرلشتیریلگن بمب پارتلشی عاقبتیده چمه‌سی ۳۳ کیشی هلاک بولیب و باشقه ۴۳ کیشی یره‌لنگن اېدیلر.
بغلان‌ده سیدپادشاه آغا زیارتگاهیده اویوشتیریلگن واقعه‌ده عمه‌‌سی‌نینگ اوغلی قربان بولگن محمدتواب گه کوره، اوق آتیلیشیدن سۉنگ محل‌ده‌گی کوپینچه کیشیلر «شوکه» بولیب و تشویش بیلن حیات کیچیرماقده‌لر.
اونینگ ایتیشیچه: «برچه‌سی روحی قیینچیلیک تاپگن. قورقو کوپه‌یگن. بیر گپنی بیش دقیقه‌دن ساره سوره‌سنگیز ایسیدن چیققن، بو دهشتلی واقعه اېدی. همه‌سی کمبغل کیشی اېدی و جمعه کیچه مصنوعی اوقیب و ذکر قیلماقده اېدیلر.»
افغانستان‌ده بیرلشگن ملتلر تشکیلاتی‌‌نینگ اورین باسرلیک نماینده‌لیگی (اوچا) بغلان‌ده صوفی‌لر زیارتگاهیده اویوشتیریلگن هجومنی قاره‌لب و اسلام امیرلیگی‌دن، بو ولایتده صوفی‌لر گه قرشی اویوشتیریلگن هجومنی برچه تامانلمه تېکشیریشنی اېسته‌گن.
