اطراف-محیط افلاسلیگی کمهیشی توغریسیده بولگن بیر ادارهده کونگللی شکلده ایشلهیدیگن یاشلردن قطارینینگ ایتیشلریچه، سیمینارلر، کنفرانسلر و ییغیلیشلرنی اوتکزیش بیلن اهالیگه اطراف-محیط افلاسلیگی کمهیشی و اونینگ عاقبتلری خصوصیده آگاهیلیک بیرهدیلر.
اولرنینگ کوپهیتیریشلریچه، هیچ بیر درآمدلری بولمهگنی بیلن، بیراق مملکتنینگ ۲۰دن آرتیق ولایتیده برنامهلرینی اوتکزیشگه موفق بولگنلر.
لوگر یشاوچیسی بولمیش ۲۵ یاشر شفیعالحق استانکزینینگ ایتیشیچه، ییتی ییلدن بویان اطراف-محیط افلاسلیگی خوفلری و عاقبتلری توغریسیده اهالیگه آگاهیلیک بیرگن. «بو ایشدن مقصد اهالیگه اطراف-محیط افلاسلیگی توغریسیده آگاهیلیک بیریش دیر که، بو افلاسلیک قندهی اورته گه کیلهدی و قیسی قیینچیلیکلر گه سبب بولهدی و بو قیینچیلیکلرنی قندهی حل قیله آلهمیز.»
بیزلرنینگ فیسبوک صحیفهمیزگه باش اورینگ!
اطراف-محیط افلاسلیگی کمهیشی اوچون اوچ ییلدن بیری فعالیت قیلهدیگن لوگر یشاوچیلریدن باشقه بیری ۲۲ یاشر محمدمصطفا احمدزینینگ ایتیشیچه، بو ایش اورنیده هیچ قندهی درآمدی یوق؛ لیکن مملکتی گه قرشی بولگن مسئولیت حسی و تعهدی، اونینگ بو توغریده سعیوحرکت قیلیشیگه سبب بولگن.
اونینگ کوپهیتیریشیچه: «قیغو بیلن افغانستان طبیعی منبعلر و اطراف-محیط نقطهی نظریدن خراب بولماقده. بو خراب بولیش آلدینی آلیش ایستهدیک و فعالیتلریمیز کوپراق کونگللی شکلده بولیب و اقتصادی فایدهمیز بولمسدن مملکت برابریده بولگن اوز مسئولیت و تعهدیمیز نی حس قیلیب و ایشلهیمیز.»
شونینگدیک قندهار یشاوچیسی بولمیش ۲۶ یاشر تمنا الکوزی، بو بولیمده ایشلشدن مقصد، اطراف-محیط افلاسلیگی کمهیشی و جمعیت ساغلیگی یخشیلنیشی اوچون سعیوحرکت قیلیش دیب و ایتیشیچه: «بو توغریده فعالیت گه باشلهگنیمیزدن مقصد، انسان و اطراف-محیط گه افلاسلیکنینگ یامان اثرلری دیر. اطراف-محیط افلاسلیگی تنفسی و یورهک کسللیکلری و حتا آنه و چقهلاقلرنینگ اولیمی گه سبب بولهدی. اطراف-محیط افلاسلیگی کمهیشی اوچون سعیوحرکت قیلیش بیلن، اطراف-محیط و جمعیت ساغلیگینی یخشیلنتیره آلهمیز.»
عین حالده، اطراف-محیط ایشلری بوییچه ایش بیلرمانلردن قطاریگه کوره، اطراف-محیط افلاسلیگی کمهیشی و اقلیم اوزگریشلری بیلن قرشی کورهش اوچون نهادلر و یاشلر فعالیتی، اونملی دیر.
اطراف-محیط بوییچه ایش بیلرمان مصطفا کابلینینگ ایتیشیچه، حکومت آرقهلی یاشلر و کونگللی شکلده ایشلهیدیگن نهادلرنینگ حمایت بولگنی صورتده، اهالیگه آگاهیلیک بیریش سطحی کوپهیب و شونینگدیک اهالی آرهسیده اطراف-محیطنی سقلش فرهنگینینگ رواجلنیشی ممکن. «حکومت بو توغریده فعالیت قیلهدیگن نهادلر و یاشلرنی قوللب-قوتلش بیلن اولرنینگ ظرفیتینی آشیریب و رضاکار نهادلر بیلن اطراف-محیطنی سقلش فرهنگینینگ آگاهیلیک بیریلیش بولیملریده اساسی و اونملی رول اوینهیشی ممکن.»
بیزلرنینگ «ایکس» ترماغی ده هم تعقیب قیلینگ!
بو بیلن بیرگه، اطراف-محیطنی سقلش ادارهسی مسئوللرینینگ ایتیشلریچه، کونگللی شکلده ایشلهیدگن یاشلر و نهادلر اطراف-محیط افلاسلیگی کمهیشی گه علاوه، اهالی آگاهیلیک سطحی یوقاری کیتیشی خصوصیده هم اونملی حصه قوشهدیلر.
اطراف-محیطنی سقلش ملی ادارهسی عامه آگاهیلیک و ییتکرمهلر مسئولی احمد فرهنگنینگ سلاموطندار گه ایتیشیچه: «اونلب رضاکار نهاد افغانستاننینگ ۳۴ ولایتینینگ تومنلر و قیشلاقلریده اطراف-محیط ادارهسی بولیمی آستیده، ایشلب و عامه آگاهیلیک سطحی یوقاری کیتیشی توغرسیده حصه قوشهدیلر. اوشبو یاشلر نه فقط اطراف-محیط افلاسلیگی کمهیشی بولیمیده ایشلهیدیلر، بلکیم اطراف-محیط افلاسلیگیگه تیگیشلی نرسهلر برابریده فایدهلی و ایجابی حصه قوشهدیلر.»
بوندن آلدین افغانستان ده بیرلشگن ملتلر تشکیلاتی نینگ نمایندهلیگی (یوناما) باشلیغی روزا اوتونبایوا، افغانستان دنیا بویلب اقلیم اوزگریشلری قربانیسی بولگنینی بیان قیلیب و سوو تاشقینلر بیلن قوروقچیلیککه سبب بولهدیگن اقلیم اوزگریشلری آلدینی آلینیشی اوچون بو توغریده عاجل اقدام، منبعلرنینگ درست شکلده مدیریت بولیشی و اطراف-محیطنی قیته تیکلشگه نیاز بولگنینی ایتگن ایدی.