اطراف-محیط نی سقلش ملی اداره‌سی مسئوللری، تشقی نهاد‌لردن افغانستان ده اطراف-محیط بولیمیده خلق‌ارا جماعه نینگ تکمیل بولمه‌گن ۳۲ لایحه ایشی قیته باشلنیشی نی ایسته‌گنلر.
اوشبو اداره مسئوللری، بوگون (دوشنبه، ۲۲-عقرب)، کابل ده یولگه قوییلگن خبری بیر برنامه‌ده ایتیشلریچه، تشقی نهادلر بشری مسئله‌لر نینگ سیاسی قیلمه‌سلیکلری کیره‌ک.
بیزلرنینگ فیسبوک صحیفه‌میزگه باش اورینگ!
اطراف-محیط نی سقلش ملی اداره‌سی سرپرستی حافظ عزیز‌الرحمان نینگ ایتیشیچه، تشقی نهادلر، اقلیم اوزگریشی نینگ سلبی عاقبتلرینی یالغیز افغانستان گه یوکلمسلیکلری کیره‌ک. اونینگ کوپه‌یتیریشیچه: «بوندن آلدین اطراف-محیط بولیمیده ایشله‌یدیگن مؤسسه‌لر گه ایته‌میز که، ینه ایشلری نی باشله‌سینلر، بو بشری مسئله‌لر و ساغلیق گه تیگیشلی دیر و سیاسی بولمه‌سلیگی کیره‌ک.»
باشقه بیر تامان‌دن، اطراف-محیط نی سقلش ملی اداری‌سی نینگ بهالش و برقرار رواجلنیش بولیمی باشلیغی جلیل نقیب صدیقی نینگ سلام‌وطندار گه ایتیشیچه، اطراف-محیط بولیمیده ۳۲ لایحه ایشی توخته‌گنی، افغانستان یشاوچیلری اینیقسه قیشلاق یشاوچیلری گه تاثیر قویگن دیر.
اونینگ کوپه‌یتیریشیچه: «اطراف-محیط نی سقلش ملی اداره‌سیده ۳۰-۳۲ لایحه توخته‌گن دیر، حاضر ایسه لایحه ایشی توخته‌گنی ایکینچیلیک، اورمان‌توزه‌تیش، طبیعی منبع‌لر و سوو مدیریتی بولیمیده افغانستان اوچون سلبی تاثیر قوییگن که، اطراف-محیط اداره‌سی تامانیدن دونرلر گه بیریلگن ایدی و اونینگ توخته‌گنی سونگی قوروق‌چیلیکلر و اقلیم اوزگریشلری‌ده تاثیر قویگن دیر.»
اطراف-محیط نی سقلش ملی اداره‌سی، اوشبو اداره‌ده ینگی‌لیکده آلینگن مدیرلر ظرفیتی نی آشیریش اوچون، ۱۵ ولایت‌ده «اطراف-محیط و اجتماعی اثرلر نی تیکشیریش پروسه‌سی» اسمی آستیده بیر برنامه نی یولگه قویگن که، اوچ کون دوام تاپگن. اطراف-محیط نی سقلش ملی اداره‌سی نینگ بهالش و برقرار رواجلنیش بولیمی باشلیغی گه کوره، مذکور تعلیمی ایش‌خانه‌ده ولایت‌لر اطراف-محیط نی سقلش اداره‌لری نینگ ۳۲ مسئولی شرکت قیلگنلر.
بیزلرنینگ «ایکس» ترماغی ده هم تعقیب قیلینگ!
پنجشیر اطراف-محیط نی سقلش باشلیغی محفوظ کوهستانی، اوشبو برنامه‌ده تعلیمی ایش‌خانه گه شرکت قیلگنلردن بیری دیر. اونینگ ایتیشیچه: «بو برنامه ظرفیت نی آشیریش اوچون دیر. فعالیت‌لر و جوازنامه ترقه‌تیش اوچون جواز بیریش مسئله‌لری گه تیگیشلی دیر، ستندردلر اساسیده جواز بیریشی‌میز کیره‌ک. اصلی فایده‌سی هوا افلاسلنیشی آلدی آلینیشی و سالم اطراف-محیط قوریش دیر.»
ایتیش کیره‌ک که، بوندن آلدین بیرلشگن ملت‌لر تشکیلاتی افغانستان ده هوا اوزگریشی نینگ سلبی تاثیرلری حقیده خواطر بیلدیریب و افغانستان نی هوا اوزگریشی‌دن کوپراق آسیب کوره‌دیگن ۱۰ مملکت‌‌دن بیری عنوان قیلگنی بیرحالده، اطراف-محیط نی سقلش ملی اداره‌سی، اطراف-محیط بولیمیده تکمیل بولمه‌گن ۳۲ لایحه ایشی نینگ قیته باشلنیشی نی ایسته‌گن.
