اوتگن کون (پنج‌شنبه، ۱۱ حوت) کابل ده یشش محیط‌نی سقلش ملی اداره‌سی تامانیدن ایکینچی کوچت ایکیش پروسه‌سی یولگه قوییلگن.
یشش محیط‌نی سقلش ملی اداره مسئوللری، افغانستان نینگ اقلیم اوزگریش نقطه نظری‌دن تاثیرلنگن دیب و خلق‌ارا نهاد‌لردن خذمت دستور‌لری نینگ قیته باشلنیشی نی ایسته‌گنلر.
بیزلرنینگ توییترده هم تعقیب قیلینگ!
یشش محیط‌نی سقلش ملی اداره سرپرستی زین‌العابدین عابد نینگ ایتیشیچه: «هر کیم ایکی درخت، بیری نی اوزی و باشقه بیری نی ایسه کیله‌جک نسل‌لر اوچون ایکیشی کیره‌ک. خلق‌ارا نهاد‌لردن انسان‌پرورلیک پروژه‌لر نینگ قالگن ایش‌لری نی تطبیق قیلیب و انسان‌پرورلیک پروژه‌لر نینگ توخته‌یشی‌دن توسیق بولیش‌لری نی ایسته‌یمیز.»
شوندهی بیرحالده، کابل بلدیه‌سی نینگ ایتیشیچه، پایتخت بولیم‌لریده ۶۰۰ کوچت ایکیلیشی ممکن.
کابل شهری نینگ یشیل‌لیک ریاست رئیسی عبدالوکیل متوکل نینگ ایتیشیچه: «اهالی‌دن ینگی ییل‌ده بیرته کوچت ایکیش‌لری نی ایسته‌یمیز و شونینگدیک برچه یشاوچیدن کوچت‌لر نینگ سقلنیشی خصوصیده سهم آلیش‌لری نی ایسته‌یمیز.»
شوندهی بیرحالده، پایتخت یشاوچیلریدن قطاری کوچت ایکیش برنامه‌سی نینگ یولگه قوییلگنیدن خورسند‌لیک بیلدیریب، یشاوچیلردن کوچت ایکیش پروسه‌سی گه سهم آلیش‌لری نی ایسته‌گنلر.
بیزلرنینگ فیسبوک صحیفه‌میزگه باش اورینگ!
کابل شهری یشاوچیلریدن فرید‌الله نینگ ایتیشیچه: «یشاوچیلریدن بیر بیر کوچت ایکیش‌لری نی ایسته‌یمن و بیر درخت ۴۰ کیشی اوچون آکسیجن تولید قیله‌دی و اطراف-محیط نینگ چیرایلیگی اوچون هم فایده‌لی دیر.»
کابل بلدیه‌سی هر ییل پایتخت‌ده میوه‌لی و میوه‌سیز یوزلرچه کوچت‌لی ایکه‌دی که، شونینگدیک اوتگن ییل هم، ۲۵۰ مینگ کوچت ایککن ایدی، بیراق نیچه مدت‌کیین سوو ییتکزیش برنامه نینگ یوقلیگی سبب، مذکور ایکیلگن کوچت‌لردن قطاری قوروگن دیر.
