اسرائیل آرقهلی نوار غزهنینگ تورلی منطقهلریگه اویوشتیریلگن ینگی هجوملر نتیجهسیده، ۱۴ فلسطینلیک قربان بولگن.
الجزیره خبری ترماغینینگ گزارش بیریشیچه، مذکور هجوملر اوتگن کون کیچ قورون (۱۸-جدی/ ۸-جنوری، پنجشنبه)، یوز بیرگن.
گزارش اساسیده، اسرائیلنینگ غزه جنوبی خانیونس غربیده جایلشگن «المواسی» منطقهسیده آوارهلر چادرلرینی نشانگه آلگنی نتیجهسیده، کمیده تورت کیشی قربان بولگن.
شونینگدیک غزه شمالیده جایلشگن زیتون حدودیده اسرائیل آرقهلی اویوشتیریلگن هجومده باشقه تورت کیشی قربان بولیب، غزه مرکزیده بریج و النصیرات منطقهلری هم بمباردمان بولگن.
گزارشده کیلیشیچه، نوار غزهنینگ تورلی منطقهلریده اسرائیل کوچلری هجومی عاقبتیده قربان بولگنلر آرهسیده، بیش باله هم شامل دیر.
فلسطین ساغلیقنی سقلش وزیرلیگینینگ معلوماتی اساسیده، اسرائیل و حماس آرهسیده آتیش کیسین باشلنگنیدن بویان، ۴۲۵ فلسطینلیک قربان بولیب و بیر مینگ ۲۰۰دن آرتیق کیشی یرهلنگن.
