هندوستان محلی رسمیلری، اوشبو مملکتنینگ آندرا پرادش ایالتیده «سوامی ونکاتسوارا» عبادتخانهسیده آدملرنینگ گوجوملیگی نتیجهسیده چمهسی ۱۲ کیشی هلاک بولیب و اونلب کیشی یرهلنگنینی اعلان قیلگنلر.
خلقارا یېتکرمهلر، ۱۱-عقرب، یکشنبه کونی بو واقعه اوتگن کون مینگلب زیارتچییلر دینی مراسمنی نشانلش اوچون توپلنگن بیر پتیده یوز بیرگنینی ایتگنلر.
معلوماتلر گه کوره، واقعه طفیلی اېنگ کوپ عیاللر و بالهلر هلاک بولگن.
اوشبو عبادتخانه ۱۲ هکتار میدان گه قوریلیب و خصوصی بیر مکان دیر و حکومت نظارتی آستیده اېمس. عبادتخانهده رسمی طرزده اوچ مینگ کیشی سیغهدی؛ بیراق واقعه کونیده آدملر سانی تخمیناً ۲۴ مینگ کیشی گه یېتگن.
هندوستان باش وزیری نارندرا مودی، اوشبو واقعه طفیلی قربان بولگنلرنینگ عایله اعضالری بیلن همدردلیک بیلدیریب و واقعه تېکشیریلیشی بارهسیده ایشانچ بیلدیرگن.
هندوستاندهگی دینی ییغیلیشلرده آدملر گوجوملیگی عادتی حال بولیب، کتته گروهلر بعضاً محلی آست قورمه و خوفسیزلیک چارهلرینی آرتیقچه یوک آستیده قالدیرهدی. سۉنگی بیر نیچه آی ایچیده هندوستاندهگی تورلی فیستیوال و زیارت جایلریده شونگه اوخشش بیر نیچه واقعه روی بیرگن.
