قندوز ولایتی کینگش اعضاسی خال‌الدین حکیمی نینگ ایتیشیچه، طالبان جنگری اوتگن کیچه ساعت ۱۰ اطرافیده اوشبو ولایت نینگ امام‌صاحب تومنی‌نی دهقان قیشلاق منطقه‌سیده محلی پولیس کوچلری نینگ بیر پوسته‌سی اوستیگه هجوم قیلگنلر.
جناب حکیمی گه کوره، امنیتی کوچلر و طالبان جنگریلری آره‌سیده یوز بیرگن آتیشمه نیچه ساعت دوام قیلگن و نتیجه‌ده مذکور پوسته طالبان نظارتی‌گه اوتیب و محلی پولیس کوچلریدن ۸ ته‌سی هلاک ایتیلگن.
عین‌حالده، قندوز پولیس قومندانلیگی سوزلاوچیسی هجرت‌الله اکبری نینگ بو خبرنی تصدیق‌لب ایتیشیچه، آتیشمه عاقبتیده محلی پولیس کوچلریدن بیرته‌سی هلاک ایتیلگن.
جناب اکبری‌گه کوره، مذکور واقعه‌ده مردمی کوچلردن هم بیر قطاری هلاک و یره‌لنگن، لیکن بیللی رقم قولگه یوق.
شونینگدیک، ۲۱۷- پامیر قول اردو قومندانلیگی سوزلاوچیسی نینگ اورین باسری هادی جمال نینگ سلام‌وطندارگه ایتیشیچه، طالبان هجومی‌نی کیین‌گه اوریش اوچون کمکی کوچلرگه محل‌گه یوباریلگن.
جناب جمال گه کوره، آتیشمه عاقبتیده، طالبان جنگریلریدن ۹ ته‌سی هلاک و باشقه ۵ ته‌سی یره‌لنگن.
طالبان گروهی حاضرگه‌قدر بو توغریده فکر بیلدیرمه‌گن.