مملکت طبیعی آفت‌لرنی باشقریش ایشلری بوییچه دولت وزیرلیگی مسئوللری نینگ ایتیشلریچه، سۉنگی اوچ کونده بامیان، بادغیس، لغمان، نورستان و بدخشان ولایت‌لریده‌گی سوو تاشقینلری عاقبتیده بیش کیشی هلاک بولیب و باشقه بیر کیشی لادرک بولگن.
اوشبو وزیرلیک سۉزلاوچیسی عبدالله جانان سایق گه کوره، بو سوو تاشقینلری طفیلی ۱۸۰ یشش اوی بوتونلی و قسمی شکلده بوزیلگن.
اونینگ کوپه‌یتیریشیچه: «سوو تاشقینلری جانی و مالی نقصان یېتکیزگن، بیش ولایتده بیش کیشی هلاک بولیب و باشقه بیر کیشی لادرک بولگن، بو سوو تاشقین‌لریده ۱۸۰ یشش اوی بوتونلی و قسمی شکلده بوزیلگن.»
بیزلرنینگ فیسبوک صحیفه‌میزگه باش اورینگ!
سۉنگی سوو تاشقینلری طفیلی جبرلنگن عایله‌لردن بیرقطاری، سرپرست حکومت دن اولر گه یاردم بیریش‌لرینی اېسته‌یدیلر.
بدخشان ولایتی یمگان تومنی «ونی» قیشلاغی یشاوچیسی امرالدین، سوو تاشقین‌لریده یشش اوی بوزیلگچ او و عایله اعضالری آچیق فضا ده یشه‌ماقده‌لیک‌لرینی اېته‌دی.
اونگه کوره، حاضرگی کونده سوو تاشقینلری باعث تومن مرکزی بیلن قیشلاق‌لری نینگ قتناو یولی توسیلگن.
اونینگ ایتیشیچه: «سوو تاشقینی یوقاری قیشلاق‌لردن کېلیب اوی‌میزنی بوزدی و حاضر نیچه قیشلاق نینگ قتناو یولی یمنگان بیلن باغلیق دیر، حکومتدن بیز گه یاردم بیریشینی اېسته‌یمیز.»
بیزلرنینگ «ایکس» ترماغی ده هم تعقیب قیلینگ!
شونینگدیک، بدخشان ولایتی طبیعی آفت‌لرنی باشقریش ایشلری بوییچه باشلیغی محمد اکرم اکبری نینگ سلام‌وطندار گه ایتیشیچه، سۉنگی بیر هفته ایچیده تگاب، کشم، یمگان، وردوج و شهداء تومن‌لریده‌گی سوو تاشقینلری اهالی گه کوپینچه مالی نقصان یېتکیزگن.
اونینگ کوپه‌یتیریشیچه، مذکور ولایت نینگ یمگان تومنیده سۉنگی کون‌لرده‌گی سوو تاشقینیده ایکّی کیشی قربان بولیب و باشقه آلتی کیشی یره‌لنگن.
اونگه کوره: «تگاب، کشم، یمگان، وردوج و شهداء تومن‌لریده سوو تاشقینلری یشاوچیلر گه نقصان یېتکیزگن و یمگان تومنیده ایکّی کیشی یره‌لنگن و ۵۰ یشش اوی بوتونلی بوزیلگن.
ایتیش کېره‌ک، سۉنگی نیچه کون ایچیده بغلان و بامیان ده سوو تاشقینلری بو ولایت‌لر نینگ یشاوچیلری گه جانی و مالی نقصان یېتکیزگن.
