اسلامی امارت استخبارات کوچلری تامانیدن طلوع‌نیوز نینگ ۳ ایشلاوچیسی قولگه آلینیشی بیلن، موبی گروپ اوتگن کونی خارجی سریال‌لر نشری خصوصیده طلوع‌نیوز نینگ فیسبوک و توییتری‌ده ترقه‌تگن بیانیه‌سینی حذف قیلگن.
موبی رسانه‌یی گروهی اوتگن کونی بیر بیانه صادر قیلیب، اسلامی امارت امر معروف و نهی منکر وزیرلیگی، اوشبو شبکه گه یوللـه‌گن مکتوبی‌ده خارجی سریال‌لر نشر بولمسلیگینی منع قیلگنینی اعلام قیلگن ایدی. اوشبو بیانه ترقه‌لیشیدن نیچه ساعتدن کیین، اسلامی امارت استخبارات کوچلری طلوع‌نیوز نینگ دفتری گه کیریب و اوشبو میدیا نینگ ۳ ایشلاوچیسینی حبس گه آلگن‌لر.
بیزلرنینگ فیسبوک صحیفه‌میزگه باش اورینگ!
طلوع‌نیوزده‌گی ایشانچلی بیر منبع کیم‌لیگی سیر قالیش شرطی بیلن اوتگن کیچه سلام‌وطندار گه ایتیشیچه، اوشبو میدیا امر معروف و نهی منکر وزیرلیگی نینگ خارجی سریال‌لر نشری منع ایتیلیش مکتوبی‌نی ترقه‌تیشدن کیین، اسلامی امارت استخبارات کوچلری طلوع‌نیوز دفتری گه کیریب طلوع‌نیوز باشلیغی خپلواک صافی، خبر نطاقی بهرام امان و اوشبو ییتکیرمه نینگ حقوقی بولیمی مسئولی عبدالله نافع‌نی قولگه آلدیلر.
منبع نینگ کوپه‌یتیریشیچه، حاضر گه قدر همکسب‌لری تقدیری‌دن خبرلری یوق و اولر قییرده انتقال بیریلیشی انیق ایمس. عین‌حالده، طلوع‌نیوز نینگ سابق باشلیغی لطف‌الله نجفی‌زاده توییتری‌ده یازیشیچه، طلوع‌نیوز رئیسی خپلواک صافی و طلوع‌نیوز نینگ حقوقی بولیمی ایشلاوچیسی قوییب یوباریلگن‌لر؛ لیکن بهرام امان حاضر گه قدر اسلامی امارت استخبارات کوچلری نینگ قولیده دیر.
بیزلرنینگ توییترده هم تعقیب قیلینگ!
شو بیلن بیرگه، افغانستان‌ده بیرلشگن ملت‌لر تشکیلاتی نینگ اورین باسرلیک هیأت دفتری یا یوناما، طلوع‌نیوز نینگ ایشلاوچیلری اسلامی امارت استخبارات کوچلری تامانیدن اوز باشیمچه‌لیک شکلده قولگه آلینیشیدن خواطر بیلدیرگن. یوناما اوز توییتری‌ده، اسلامی امارت استخبارات کوچلری تامانیدن حبس گه آلینگن کیشی‌لر تیزلیک بیلن قوییب یوباریلیشینی یازگن.
یوناما شونینگدیک، خبرچی‌لر و مستقل میدیالر گه قرشی واهیمه و قورقیتیش یکون تاپیشینی طلب قیلگن. بو عین‌حالده، بوندن آلدین اسلامی امارت استخبارات کوچلری بیرقطار خبرچی‌لر، سیاسی فعال‌لر و قطار عیال فعال‌لری‌نی قولگه آلیب و نییچه کوندن کیین ایسه قوییب یوبارگنلر.
اسلامی امارت متصدی‌لری بوتوغریده حاضرگچه هیچ نرسه دیمه‌گن.