عرب بیرلشمهسی باشکاتبی اورینباسرینینگ اعلام قیلیشیچه، «نیچه عرب مملکتلری توپراغیگه ایران آرقهلی اویوشتیریلگن هجوملر» نینگ تیکشیریلیشی اوچون، اوشبو بیرلشمهگه اعضا مملکتلر تشقی ایشلر وزیرلری، فوقالعاده ییغین اوتکزهدیلر.
عرب بیرلشمهسی باشکاتبی اورینباسری حسام زکی، فرانسه آژانسیگه مذکور ییغیننینگ ایرته (۱۷-حوت/ ۸-مارچ، یکشنبه)، ویدیو کنفرانس شکلده اوتکزیلیشی ممکن، دیگن.
زکیگه کوره، اوشبو فوقالعاده ییغین اوتکزیلیشی کویت، سعودی عربستان، قطر، عمان، اردن و مصر مملکتلری ایستهگی اساسیده، عملگه آشیریلگن.
امریکا و اسرائیل ایران گه قوشمه هجوم اویوشتیریب و اونینگ نتیجهسیده سیدعلی خامنهای بیلن بو مملکتنینگ بیر قطار ییریک رسمیلری اولگنیدن کیین، ایران اورته شرقده امریکا پایگاهلریگه هجوملرینی باشلهگنی بیرحالده، اوشبو ییغین اوتکزیلماقده.
