دوحه شهریده عرب و اسلام دولتلری رهبرلری ییغیلیشی بولیب اوتماقده. ییغیلیشده اسرائیلنینگ اوتگن هفته قطرده حماس ییریک عملدارلریگه قرشی عملگه آشیریلگن هجومی قتیق طرزده قارهلندی.
ییغیلیشده محاکمه قیلینهیاتگن قرار لایحهسیده، اسرائیلنینگ هجومی کېسکین قارهلنگن. اونده منطقهده «ینگی ترتیب اورنهتیش ریجهلریگه» قرشی اېکنلیگی قید ایتیلگن، بیراق اقتصادی یا که دیپلماتیک چارهلر نظرده توتیلمهگن.
قطر باش وزیری شیخ محمد بن عبدالرحمان آل ثانی، اسرائیلنینگ بوندهی حرکتلری اولرنی واسطهچیلیکدن توختته آلمسلیگینی ایتدی. عرب اتفاقی باش کاتبی اېسه ییغیلیش قطرنی یالغیز اېمسلیگینی کورسهتیشینی تأکیدلهدی.
