امریکا قوشمه ایالت‌لری مالیه وزیرلیگی دوشنبه کونی، ۲۰-قوس، بیر خبرنامه ترقه‌تیب، افغانستان سابق حکومت ملی کینگش باشلیغی میررحمان رحمانی و اونینگ اوغلی اجمل رحمانینی تحریم قیلگنینی معلوم قیلگن.
بو وزیرلیک نینگ کوپه‌یتیریشیچه، افغانستان سابق حکومت ملی کینگش باشلیغی میررحمان رحمانی و اونینگ اوغلی همده کابل ده ملت وکیلی اجمل رحمانی و اولر گه تیگیشلی ۴۴ شرکت و نهاد نی، کینگ فساد گه رولی بولگنی اوچون تحریم قیلگن.
بیزلرنینگ فیسبوک صحیفه‌میزگه باش اورینگ!
مذکور وزیرلیک نینگ بیانیه‌سی اساسیده، رحمانی افغانستان ده شرکت‌لر آرقه‌لی مالی فساد طرحی یولگه تشله‌گن که افغانستان خوفسیزلیک کوچلرینی حمایت قیله دیگن امریکا قوشمه ایالت‌لری دولتی نینگ شرطنامه‌لریدن میلیون‌لرچه دالرنی اوغیرله‌نیشی گه سبب بولگن.
اوشبو وزیرلیک نینگ کوپه‌یتیریشیچه، رحمانی افغانستان سابق حکومت خوفسیزلیک کوچلری نینگ شرطنامه‌لریده ساخته‌کارلیک، نفت نرخینی یالغان شکلده کوتاریش و یاقیلغی ماده‌لر گه سالیق توللـه‌مسدن بازار گه ساتیش عیبلاولری بیلن یوزمه‌یوز دیر.
رحمانی افغانستان ملی کینگشی ده یول تاپگنیدن کیین، فساد نی دوام ایتتیریش اوچون اوز لوازم‌لریدن ناتوغری فایده‌لنگن.
بیزلرنینگ «ایکس» ترماغی ده هم تعقیب قیلینگ!
رحمانی بو مسئله گه دایر حاضرگچه هیچ نرسه دیمه‌گن.
عین‌حالده، امریکا مالیه وزیرلیگی بوندن آلدین هم دنیا نینگ ایریم مملکت‌لریده تشکیلات‌لر و کیشی‌لرنی تحریم قیلگن ایدی.
