خلق‌ارا یېتکرمه‌لر، بیرلشگن ملتلر تشکیلاتی خوفسیزلیک کینگشی ۱۰-جون، دوشنبه کونی غزه ده اسرائیل و حماس اۉرته‌سیده آتیش کېسین برقرار اېتیلیشی اوچون امریکا قۉشمه ایالتلری جمهور باشلیغی جوبایدن نینگ تکلیفینی قۉللب-قوتله‌گنی حقیده گزارش بیرگنلر.
رویترز آژانسی گه کوره، غزه ده آتیش کېسین برقرار اېتیلیشی خصوصیده بیرلشگن ملتلر تشکیلاتی خوفسیزلیک کینگشی نینگ آواز بیریشیده روسیه رد آواز بیرگن؛ بیراق اوشبو تشکیلات نینگ باشقه ۱۴ اعضاسی مثبت آواز بیرگنلر.
بیزلرنینگ فیسبوک صحیفه‌میزگه باش اورینگ!
غزه ده آتیش کېسین برقرار اېتیلیشی، گرو گه آلینگنلر آزاد اېتیلیشی گه دایر بیرلشگن ملتلر تشکیلاتی خوفسیزلیک کینگشی تامانیدن قطع‌نامه تصدیقلنیشی، حماس گروهی تامانیدن خوش قرشی‌لنگن.
حماس ۱۰-جون، دوشنبه کیچه بیر بیانیه ترقه‌تیب، بو گروه اوشبو قطع‌نامه ماده‌لری عملگه آشیریلیشی اوچون واسطه‌چیلر بیلن نامستقیم مذاکره‌لر ده حضور تاپیش اوچون همکارلیک قیلیشینی بیلدیرگن.
بیزلرنینگ «ایکس» ترماغی ده هم تعقیب قیلینگ!
ایتیش کېره‌ک، امریکا قۉشمه ایالتلری جمهور باشلیغی جوبایدن قریب ایکّی هفته اول غزه ده‌گی اوروش گه چېک قوییلیشی و گرو گه آلینگنلر قوییب یوباریلیشی اوچون اوچ باسقیچلی طرح تکلیف قیلیب و اسرائیل همده حماس دن اونی قبول قیلیش‌لرینی اېسته‌گن اېدی.