خلقارا یېتکرمهلر، اوتگن بیر کیچه-کوندوز ایچیده، آچرچیلیک و اسرائیل اردوسینینگ هجوملری عاقبتیده چمهسی ۱۰۶ فلسطینلیک هلاک بولگنی حقیده خبر بیرگنلر.
الجزیره یېتکرمهسی، بوگون (۱۱-اسد، شنبه)، اوتگن کون نی «غزهده قانلی جمعه» دیب، ۱۰۶ کیشی قربان بولیب و باشقه اونلب کیشی یرهلنگنینی معلوم قیلگن.
بیزلرنینگ فیسبوک صحیفهمیزگه باش اورینگ!
بو کیشیلر، آچرچیلیک طفیلی یاردم آلووچیلر صفی گه اویوشتیریلگن هوا، ییر و اوق آتیشلرده قربان بولگن.
فلسطین قیزیل آی اویوشمهسی، غزه جنوبغربی حدودلریده یاردم یېتکزووچی کامیونلرنی کوتیب تورگن تینچ اهالی، اسرائیل حربی کوچلری تامانیدن اوققه توتیلیشی عاقبتیده ۱۲ کیشی قربان بولیب و باشقه ۹۰ کیشی یرهلنگنینی بیلدیرگن.
بیزلرنینگ «ایکس» ترماغی ده هم تعقیب قیلینگ!
غزه ساغلیقنی سقلش وزیرلیگی گه کوره، غزهده «آچرچیلیک و توییب آوقتلنمسلیک» طفیلی ایکی باله و بیر کېکسه کیشی اوز جانلرینی قولدن بیرگن و اوشبو منطقهده توییب آوقتلنمسلیک طفیلی قربانلر سانی ۹۲ باله شامل ۱۶۲ کیشی گه آشگن.
