افغانستان سرپرست حکومت امتحانلر ملی اداره مسئوللری، بوگون (۳-جوزا، پنجشنبه) کابل ده اۉتکزگن خبری ییغیلیش ده، قویاش ۱۴۰۳ ییل کانکور سیناوی اۉتکزیلیش تاریخینی اعلام قیلدیلر.
اوشبو ییغیلیش ده امتحانلر ملی اداره سرپرستی عبدالباقی حقانی گه کوره، اوشبو ییل کانکور سیناوی ده مملکت نینگ ۳۴ ولایتیدن قریب ۱۵۰ مینگ داوطلب اشتراک اېتیشی ممکن.
اونینگ کوپه‌یتیریشیچه، ۱۴۰۳ییل کانکور سیناوی بیش باسقیچ ده اۉتکزیله‌دی، بیرینچی باسقیچ اوشبو ییل ۱۷، ۱۸ و ۱۹ جوزا مملکت نینگ ۱۶ ولایتیده یولگه قوییله‌دی و ایکّینچی باسقیچ ۱و ۲ سرطان کابل ده اۉتکزیلیشی ممکن.
بیزلرنینگ فیسبوک صحیفه‌میزگه باش اورینگ!
حقانی نینگ کوپه‌یتیریشیچه: «بایومتریک بیرینچی باسقیچی ۱۵ و ۱۶ جوزا و ۱۷، ۱۸ و ۱۹ جوزا میدان‌وردک، لوگر، پروان، کاپیسا، پنجشیر، غزنی، پکتیا، پکتیکا، کنر، زابل، بامیان، سمنگان، بادغیس، هرات، غور و نورستان ولایت‌لریده اۉتکزیله‌دی. بایومتریک ایکّینچی باسقیچی ۲۱ و ۲۲ جوزا و ۱ و ۲ سرطان ده کابل کانکور سیناوی آلینه‌دی.»
امتحانلر ملی اداره سرپرستی گه کوره، کانکور سیناوی اۉتکزیلیش اوچینچی باسقیچی ۷ و ۸ سرطان ۱۰ ولایت ده و تورتینچی باسقیچی ۱۴، ۱۵ و ۱۶ سرطان ییتّی ولایت و بیشینچی باسقیچی ۲۲ سرطان اۉتکزیله‌دی.
امتحانلر ملی اداره مسئوللری، اوشبو ییل کانکور سیناوی اوچون ۵۰ مینگ ینگی سوال، ولایت‌لرده امتحانلر ملی اداره واحدلری قوریلیشی، امتحانلر ملی ادارهسی نینگ استراتیژیک بیش ییل‌لیک پلانی توزه‌تیلیشی و کانکور سیناوی ده قولی‌لیک یره‌تیلیشینی بو اداره نینگ اساسی یوتوق‌لریدن عنوان قیله‌دیلر.
بیزلرنینگ «ایکس» ترماغی ده هم تعقیب قیلینگ!
امتحانلر ملی ادارهسی نینگ تخنیکی مصلحتچیسی یما امان، کانکور سیناوی ده تینیق‌لیکدن ایشانچ بیلدیره‌دی.
اونگه کوره: «کانکور سیناوی ده کوپ قولی‌لیک کېلتیریلگن و ۱۴۰۳ ییل کانکور سیناوی تینیق‌لیک بیلن اۉتکزیلیشیدن ایشانچ بیره‌میز.»
امتحانلر ملی اداره مسئوللری گه کوره، ۱۵۰ مینگ کانکور داوطلبی دن ۷۵ مینگ نفری بیلیم یورت‌لر، دینی مدرسه‌لر و تخنیکی انستیتوت‌لر ده جذب بوله‌دیلر. ایتیش کېره‌ک ۱۴۰۳ییل کانکور سیناوی مملکت مقیاسیده قیزلر نینگ حضورسیزلیگی بیلن اۉتکزیله‌دی.
