سونگی اوچ ییلده، غزنی ولایتی یشاوچیلری آرقهلی ساغلیق، تعلیم، ایکینچیلیک و باشقه بیر قطار آستقورمهلر بولیمیده ۵۰ دن آرتیق لایحه عملگه آشیریلیب و بو پروسهنینگ دوامی بار.
مذکور ییللر جریانیده، ۱۸ ته مکتب، ۱۴ ته دینی مدرسه، ۱۰ ته دوالنیش مرکز، ۷ ته کوپریک و بیش ته سوو توغانی اوشبو ولایت مرکزی و تومنلریده قوریلگن. بو آرهده، جاغوری تومنی کمیده سکیزته مکتب قوریلیشی بیلن بو ساحهده آلدینگه قرار تاپیب و قرهباغ تومنیده هم یشاوچیلر کوپراق سوو توغانلری، کوپریک و سرک قوریش توغریسیده سرمایه یاتقیزگنلر.
سونگی اوچ ییلده غزنی یشاوچیلری آرقهلی دینی مدرسهلر، کوپراق بو ولایت مرکزی و مقر، ناوه و اندر تومنیلریده قوریلگن. ۵۰ دن آرتیق لایحهلرنینگ توپلم خرهجتی، تمویل قیلووچی بیللی بیر منبع یوقلیگی سبب، دقیق بیر شکلده بیللی ایمس؛ بیراق اونینگ عملگه آشیریلیشی اهالی اوچون کوپینچه آسایشتهلیکلرنی یرهتگن. ینگیلیکده جغتو تومنی ترکان درهسیده بیر کوپریکنینگ قوریلیش ایشی باشلنگنی، غزنینینگ آبادانچیلیگی اوچون اهالی حرکتینینگ نمونهلریدن بیری دیر.
بیزلرنینگ «ایکس» ترماغی ده هم تعقیب قیلینگ!
جغتو تومنی ترکان درهسی نمایندهسی و قوم بویوکلریدن حسنرضا خاکینینگ سلاموطندار گه ایتیشیچه، بو ساحهده کوپریک یوقلیگی، بعضا نیچه تومندهگی هیداوچیلرنی قیینچیلیک بیلن روپهره قیلهر ایدی. اونگه کوره، مذکور کوپریکنینگ قوریلیشی بیلن، اوشبو محلدن اوتیب-قیتیش توغریسیدهگی قیینچیلیک حل بولیب و کوپینچه آسایشتهلیککه سبب بولگن. «بوندن آلدین بهار موسومیده سوو کوپ بولهر ایدی و اوتیب-قیتهدیگن موترلر قیینچیلیک بیلن روپهره بولهر ایدی. بو کوپریک جودهیم اونملی دیر. بو کوپریک نه فقط ترکان درهسی اهالیسی بلکیم، اوشبو کوپریکدن اوتیب قیتهدیگن سراب، ناور، جاغوری و مالستان اهالیسی اوچون هم کوپینچه آسایشتهلیک یرهتگن.»
شونینگدیک سونگی ییللرده قرهباغ تومنی هم، اهالی تامانیدن عملگه آشیریلگن نیچه لایحهگه شاهد بولگن. مکتبدن باشلهب، کیلینککه قدر، کوپریک، سرک و سوو توغانلری، افغانستان دن تشقیدهگی یاشلرنینگ مالی همکارلیگی بیلن، قرهباغ تومنیده قوریلیب و محل یشاوچیلریگه کوپینچه آسایشتهلیکلرنی یرهتگن.
تمکی قیشلاغی یشاوچیسی و غزنینینگ قرهباغ تومنیدهگی اهالی تامانیدن عملگه آشیریلهدیگن لایحهلر بوییچه فعاللریدن علی محمدنینگ سلاموطندار گه ایتیشیچه: «قرهباغ تومنیده قوریلیش و آبادانچیلیک، سونگی اوچ-تورت ییلده سیزیلرلی درجهده کوپهیگن و شکر ایشلر هم یخشی شکلده آلغه بارماقده. قرهباغ تومنینینگ گلکوه منطقهسیده گلکوه لیسهسی مملکتدهگی خیرلی کیشیلر آرقهلی قیته قوریلگن. شونینگدیک سوو ییتکزیش ترماق، کلینیک و سوو توغانی اهالی همکارلیگی و خیرلی کیشیلر یاردمی بیلن عملگه آشیریلگن.»
غزنی ده اونملی لایحهلرنینگ عملگه آشیریلیشیده اهالینینگ فعال حصه قوشیشی، شونینگدیک خرهجتلرنینگ بیر قسمینی حکومت زمهسیدن یینگیللشتیرگن. غزنی ولایتی جاغوری تومنیدهگی اجتماعی فعاللردن خادمحسین احمدینینگ ایتیشیچه، بو تومنده اهالی تامانیدن عملگه آشیریلهدیگن لایحهلرنینگ قوللب-قوتلنیشی توغریسیده یشاوچیلر و یاشلرنینگ قیزیقیشی، آبادانچیلیک اوچون حکومتنینگ اونچهلیک قیزیقمسلیگی دیر.
اونینگ ایتیشیچه، دولتی لایحهلردن کوپ قطاری جمهوریت توزومیدن ایشی یریم قالگن که بو ایش سبب، اهالی اوزی بو توغریده سعیوحرکت گه باشلهگن. «حاضرگچه دولتی لایحهلر عملگه آشیریلمهگن و حتا جمهوریت دورهسیدن هم لایحهلر قالگن. تومنلرده دولتی ایشلر یا-ده دولتی لایحهلر عملگه آشیریلمسلیگی سببی بو که، جاغوری تومنی یشاوچیلری اوزلری لایحهلرنی عملگه آشیرهدیلر، مالی حمایت قیلهدیلر و مسافرلری یاردم بیرهدی دیهدیلر.»
شونینگدیک جغتو تومنی و شاکی منطقهسیده، یاشلر افغانستان دن تشقیده بیر مکتبنینگ قوریلیش خرهجتینی بویینلریگه آلگنلر. مذکور مردمی لایحهلرنینگ قوریلیشیده حصه قوشگنلردن محمدیونس کریمینینگ سلاموطندار گه ایتیشیچه، شاکی مکتبینینگ ستندرد شکلده قوریلیشی اوچون قریب یوزمینگ دالر صرفلنیشی ممکن که اونینگ برچه خرهجتی اهالی تامانیدن توللنیلهدی.
کریمینینگ کوپهیتیریشیچه: «بو مکتب خرهجتینی ایناغهلریمیز تشقیدن یوبارهدی. حاضر ایشینینگ دوامی بار. قریب ۹۰ مینگ دالر قرارداد بولگن که بو لایحهده صرفلنسه. منطقهدهگی ییگیتلر استرالیا، امریکا و حتا کانادا دن یاردم بیرگنلر. شونینگدیک ترکان و ککرک منطقهلریدهگی ییگیتلر هم یاردم بیریشگن.»
باشقه بیر تاماندن، غزنی دهگی قوم بویوکلریدن محمدزمان ذکی، مردمی لایحهلر یانیده، غزنینینگ جغتو تومنیده اهالی پولی بیلن بیر کلینیکنی قوریب و یشاوچیلردن، حاضرگی وضعیتنی نظرگه آلیش بیلن آستقورمه لایحهلر عملگه آشیریلیشیده کوپراق حصه قوشیشلرینی ایستهگن. «شخصی پوللری بیلن اوشبو کلینیکنی قوریشگه اقدام قیلگنلر. بیزلر کلینیک قوریلیشی اوچون باشقهلرنی کوتیب تورمهسلیگیمیز کیرهک.»
بیزلرنینگ فیسبوک صحیفهمیزگه باش اورینگ!
قیشلاقلرده اهالی تامانیدن لایحهلرنینگ عملگه آشیریلیشی، تومنلردهگی اهالیگه یاردم بیرگن. بو توغریده جغتو تومنیدهگی قوم بویوکلریدن صوفیخان محمدنینگ ایتیشیچه: «تینگری تعالی بو توغریده یاردم بیرگن کیشیلرگه خیر نصیب قیلسین. اولردن جودهیم خورسندمیز. نمازیمیز و عبادتیمیزده اولرنی خیر دعا قیلهمیز.»
غزنی یشاوچیلرینینگ آبادانچیلیک توغریسیده حصه قوشیشلری، محلی مسئوللر تامانیدن هم خوش قرشیلنگن. غزنی حاکمی اورینباسری صدیقالله سباووننینگ سلاموطندار گه ایتیشیچه، اوشبو ولایت یشاوچیلری سونگی نیچه ییلده اسلام امیرلیگی توزومی بیلن همکار بولیب و لایحهلرنینگ عملگه آشیریلیشیده سیزیلرلی درجهده حصه قوشگنلر.
جناب سباووننینگ کوپهیتیریشیچه: «خورسندلیک بیلن غزنی ولایتیده اهالی اسلام امیرلیگی توزومی بیلن همکار دیر. هر بیر بولیم بولسه همکارلیک قیلهدیلر. مکتبلر، دینی مدرسهلر، سرکلر و باشقه هر قندهی آستقورمهلر توغریسیده حصه قوشهدیلر. اولرنینگ بو ایشلریدن منتدارلیک قیلهمیز.»
غزنی ده عملگه آشیریلهدیگن لایحهلردن کوپ قطاری، تشقی مملکتلرده حیات کیچیرهدیگن بو ولایت یاشلری آرقهلی مالی حمایت بولیب و شونینگدیک، قیشلاقلرده اجتماعی فعاللرنینگ حصه قوشیشی غزنی تومنی یشاوچیلری آرهسیده ساغلام رقابتلرنی یرهتگن که هر بیر کیشی منطقهلریده کوپینچه لایحه عملگه آشیریلیشی اوچون سعیوحرکت قیلهدیلر که بو ایش افغانستان بویلب آبادانچیلیک توغریسیده اهالینینگ حصه قوشیشی اوچون یخشی بیر نمونه گه اوزگرگن.
