نیمروز ولایتیدن بیرقطار منبع‌لرنینگ ایتیش‌لریچه، اوشبو ولایتده اویوشتیریلگن هوایی هجوم نتیجه‌سیده ۱۴ تینچ اهالی هلاک ایتیلگن.
نیمروز ولایتیدن محلی بیر منبع نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، هوایی کوچلر اوتگن کیچه اوشبو ولایت نینگ خاشرود تومنی‌نی «منظری» منطقه‌سیده مسکونی بیر اوینی هجوم آستیگه قرار بیرگن.
منبع نینگ کوپه‌یتیریشیچه، اوشبو هجومده باله‌لر و عیاللر شامل ۱۴ کیشی هلاک و باشقه بیر کیشی یره‌لنگن.
منبع گه کوره، مذکور منطقه‌ده امنیتی کوچلر و طالبان آره‌سیده آتیشمه صورت تاپگن بیرحالده، هوایی هجوم اویوشتیریلگن.
اونینگ ایتیشیچه، مذکور هوایی هجومنی افغانستان‌لیکلر یا-ده چیت‌ایللیک کوچلر تامانیدن اویوشتیریلگنی بیللی ایمس.
باشقه بیرقطار منبع‌لرنینگ ایتیش‌لریچه، بو واقعه‌ده هلاک ایتیلگن‌لر بیر عایله نینگ اعضاسی دیر.
عین‌حالده، خاشرود تومنی نینگ ولسوالی جلیل وطندوست، اوشبو واقعه‌ده ۱۴ کیشی نینگ هلاک ایتیلگنی‌نی تصدیقلگن، بیراق هلاک ایتیلگن‌لر طالبان اعضالریدن بولگنی‌نی بیلدیرگن. خاشرود ولسوالی بو توغریده کوپراق معلومات بیرمه‌گن.
طالبان گروهی حاضرگه‌قدر بوتوغریده فکر بیلدیرمه‌گن.
