جمهورلیک ریاست بیرینچی اورین باسری امرالله صالح نینگ ایتیشیچه، کابل بیلیم یورتی اوستیده‌گی هجوم نی ریجه‌لنتیرگن کیشی قولگه آلینگن. قولگه آلینگن کیشی پنجشیر ولایت یشاوچیسی محمد عارف نینگ اوغلی عادل ناملی بیر شخص دیر. او، اوچینچی صنف گه قدر شرعیات فاکولته‌سیده درس اوقیگن.
جناب صالح بوگون (شنبه ۲۴- عقرب) ایرته‌لب فیسبوک صحیفه‌سیده یازیشیچه، قولگه آلینگن کیشی کابل بیلیم یورتی نینگ شرعیات فاکولته‌سیده اوچینچی صنف گه قدر درس اوقیگن و اوندن کیین حقانی ترماغی نینگ سابق اعضاسی ثناوالله آرقه‌لی بو ترماققه جذب بولگن.
گرچند داعش گروهی بو هجوم مسئولیتی نی بوینیگه آلدی، بیراق جناب صالح نینگ اورغولشیچه، داعش یالغیز بیر آت دیر و بو هجوم نی اویوشتیرگنلر (حزب‌التحریر-طالب-داعش) دیر و تورلی زمان‌لرده خاص عنوان و لقب‌لردن استعمال قیلیشه‌دیلر.
شونینگدیک قولگه آلینگن کیشی نینگ ایتیشیچه، قورال نی خوست ولایتیده حقانی ترماغی آرقه‌لی قولگه کیلتیرگن و ثناوالله آرقه‌لی کابل بیلیم یورتی اوستیده هجوم اویوشتیریش بویروغی نی آلگن.
۱۲- عقرب آیی ده کابل کابل بیلیم یورتی هجوم گه دوچ کیلدی. مذکور هجوم ده ۲۲ کیشی هلاک و باشقه ۴۰ کیشی یره‌لندی.
بوندن آلدین جناب صالح طالبان گروهی نینگ حادثه مسئولی دیگن ایدی. بیراق طالبان بو ادعا نی رد قیلیب و کابل بیلیم یورتی اوستیده‌گی بو گروه نینگ ایشی بولمه‌گنلیگی نی بیلدیرگن ایدی.
