خلق‌ارا کیچیریم تشکیلاتی، شنبه کونی، ۱۰ سرطان، اوز توییتری ده ترقه‌تگن بیانیه‌سیده، ینه بیر بار افغانستان خاتین قیزلری گه یره‌تیلگن چیکلاولر دن خواطر بیلدیریب، عیاللر اساسی حقوق‌لری و ایرکین‌لیک دن محروم بولیب و جمعیت دن حذف ایتیلگنینی معلوم قیلگن.
خلق‌ارا کیچیریم تشکیلاتی نینگ بیانیه‌سیده کیلیشیچه: «عدالت و جوابگرلیک عملی بولیشی کیره‌ک. عدالت و ایرکین‌لیک افغانستان خاتین قیزلری نینگ حقی دیر. اولر جنسیت‌لری اوچون سرکوب بولمسلیک‌لری لازم.»
عین‌حالده، تعلیم و تحصیل دن محرم بولگن قیزلر، روحی وضعیت‌لریدن خواطر بیلدیریب ایتیشلریچه، برچه نرسه دن محروم بولیش‌لری بیلن اونیتیلگنلر.
تعلیم و تحصیل دن محروم و چیکلاولر قربانی بولگن توقیزینچی صنف اوقووچیسی بنفشه و حقوق فاکولته‌سی طلبه‌سی صبریه نینگ ایتیشلریچه، روحی باسیم‌لر سبب منزوی بولیشگن.
بیزلرنینگ فیسبوک صحیفه‌میزگه باش اورینگ!
بنفشه گه کوره: «مکتب‌لر ایشیگی یاپیلدی، اوی ده اولتیریش قیین دیر حتا پارک گه باریش اجازه‌میز یوق، اوقیگن سبق‌لریم ایسیمدن چیققن، سوادسیز قالیشیمیز ممکن.»
صبریه نینگ ایتیشیچه: «تعلیم و ایش دن محروم بولدیک، ایشانچیمیز یوق بولدی، حتا بورس گه باره آلمه‌ی‌میز چونکه دولت بیز گه یاردم بیرمه‌یدی، اوی ده اولتیریش گه مجبور و محکوم‌میز.»
خلق‌ارا کیچیریم تشکیلاتی، عین‌حالده افغانستان ده‌گی خاتین قیزلر وضعیتیدن خواطر بیلدیرماقده، جمعه کونی، ۹ سرطان، آلتی مملکت نینگ عیال تشقی ایشلر وزیرلری اسلام امیرلیگی تامانیدن عیاللر گه یره‌تیلگن چیکلاولر تیزلیک بیلن بیکار قیلینیب و اولر گه سیاسی، اقتصادی و اجتماعی ساحه‌لرده اشتراک قیلیش حقی بیریلیشینی طلب قیلگنلر.
بیراق انسان حقلری ایش بیلرمان‌لریدن بیرقطاری، افغانستان خاتین قیزلری نینگ وضعیتی گه دایر خلق‌ارا تلاش‌لر و گزارش‌لرنی نتیجه‌سیز عنوان قیلیب ایتیشلریچه، عیاللر نینگ حقوقی تأمین ایتیلیشی اوچون کوچلی مملکت‌لر، دستلب افغانستان وضعیتی گه دایر واحد قرار گه کیلیش‌لری کیره‌ک.
انسان حقلری و عیال حقوقی فعالی ثریا پیکان نینگ ایتیشیچه، بو کبی تنقیدلر و تأکیدلر حاضرگه قدر افغانستان خاتین قیزلری نینگ وضعیتی اوزگریشی اوستیده مثبت تأثیر قیلمه‌گن.
او نینگ کوپه‌یتیریشیچه: «بیرلشگن ملتلر تشکیلاتی و انسان حقلری تامانیدن کیتمه_کیت نشر بوله‌یاتگن گزارش‌لر نتیجه‌سیز دیر، کوچلی اولکه‌لر افغانستان وضعیتی گه دایر بیر قرار گه کیلمه‌گونچه بولر نتیجه بیرمه‌یدی.»
بیزلرنینگ توییترده هم تعقیب قیلینگ!
عین‌حالده، اسلام امیرلیگی سوزلاوچیسی ذبیح‌الله مجاهد، بیرلشگن ملتلر تشکیلاتی نینگ اوشبو گزارشی گه مناسبت بیلدیریب ایتیشیچه، سرپرست حکومت رسمی‌لری خاتین قیزلر گه ایش زمینه‌لرینی یره‌تیش مقصدیده سعی‌وحرکت قیلماقده‌لر.
اسلام امیرلیگی سوزلاوچیسی ذبیح‌الله مجاهد، سلام‌وطندار بیلن اوتکزگن صحبتیده ایتیشیچه: «امکان قدر اسلام امیرلیگی تلاش قیله‌دی، چیکلاولردن بعضی‌لری اسلام قاعده‌لری گه باغلیق دیر، خاتین قیزلر گه ایش زمینه‌لری یره‌تیلیشی مقصدیده بیز سعی‌وحرکت قیلماقده‌میز.»
افغانستان وضعیتی اینیقسه خاتین قیزلر گه یره‌تیلگن چیکلاولر گه دایر حاضرگه قدر کوپ سانده خلق‌ارا و منطقه‌وی ییغیلیش‌لر اوتکزیلگن بولسه ده؛ بیراق اوشبو ییغیلیش‌لردن هیچ بیری نتیجه بیرمه‌گن. ایش بیلرمان‌لر نینگ ایشانچی گه کوره، دنیا همجمعیت افغانستان خاتین قیزلری نینگ وضعیتی گه دایر صادق ایمس و کوپراق اوز منفعت‌لرینی ایزله‌یدیلر.
