اسلام امیرلیگی تشقی ایشلر وزیرلیگی سرپرستی امیرخان متقی، بوگون (یک‌شنبه، ۶-حوت)، بیر هیئت ییتکچیلیگی‌ده تورکمنستان تشقی ایشلر وزیری رشید مرادوف نینگ رسمی دعوتی گه بناء، مذکور مملکت گه سفر قیلگن.
اسلام امیرلیگی تشقی ایشلر وزیرلیگی سوزلاوچیسی نینگ اورین باسری ضیااحمد تکل، ایکس صحیفه‌سیده یازیشیچه، اوشبو هیئت نینگ تورکمنستان گه قیلگن سفری جریانیده تورلی‌خیل موضوع‌لر و کابل و عشق‌آباد آره‌سیده‌گی ایکی تامانلمه مسئله‌لر خصوصیده صحبت قیلینیشی ممکن.
اوشبو هیئت امیرخان متقی گه علاوه، کان‌لر و پترولیم وزیرلیگی سرپرستی شهاب‌الدین دلاور، تیمیر یولی اداره‌سی و افغانستان برق ییتکزیش شرکتی (برشنا) مسئوللریدن عبارت دیر.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، ایش بیلرمانلردن قطاری اسلام امیرلیگی هیئتی نینگ اوشبو سفری، افغانستان توغریسیده اورته آسیا مملکتلری اینیقسه تورکمنستان نینگ خواطرلری حل بولیشی و ایکی مملکت آره‌سیده اقتصادی همکارلیک‌لر کوچلنیشی خصوصیده فایده‌لی بولیشینی کوتیب تورگنلر.
بو توغریده سیاسی مسئله‌لر بیلرمانی عبدالجبار اکبری نینگ ایتیشیچه: «یخشی بوله‌دی که جناب متقی بو اوچره‌شووده افغانستان گه یخشی بیر نتیجه قولگه کیلتیریب و امنیت بولیمی‌ده باشقه مملکت‌لر قتناعتی نی فراهم قیلسه و مملکت‌لر گه ایتیلیشی کیره‌ک که افغانستان تروریزم باش‌پنه‌سی ایمس. افغانستان اقتصاد و سیاسی نقطه‌ی نظری‌دن مملکت‌لر بیلن باغلنیش بیر یول آچیش ایسته‌یدی.»
باشقه بیر تاماندن، سیاسی ایش بیلرمانلردن باشقه بیری محمد‌باقر محسنی نینگ ایشانچی گه کوره، حاضرگی شرایط‌ده اسلام امیرلیگی نینگ بو کبی سعی و حرکتی، افغانستان اوچون اقتصادی فایده‌لی نتیجه گه ایگه بولیب، بیراق اسلام امیرلیگی بیلن باشقه مملکت‌لر نینگ بو کبی رابطه‌لری بو حکومت ایچکی سیاستی‌ده بیر قطار اوزگریشلر گه نیازمند دیر.
جناب محسنی نینگ کوپه‌یتیریشیچه: «تورکمنستان بیلن سیاسی رابطه قوریش، کوپینچه اهمیت گه ایگه دیر، بیراق سیاسی رابطه برقرار قیلیش خصوصیدده اسلام امیرلیگی اوچون اونملی بولگن نرسه، بیر قطار ایچکی قیین‌‌چیلیک‌لر نینگ حل قیلیش دیر که خلق‌ارا بولیمی‌ده سیاسی رابطه‌سی نی کوچلنتیرسین.»
ایتیش کیره‌ک که، تورکمنستان اسلام امیرلیگی حاکمیتی‌ده بولگن افغانستان بیلن تورلی بولیم‌لرده اوز رابطه‌سی نی دوام بیریب و حاضر ایسه افغانستان و تورکمنستان بیر بیری بیلن یخشی سوداگرلیک رابطه‌سی بار.
بیزلرنینگ «ایکس» ترماغی ده هم تعقیب قیلینگ!
بیراق بیراز یخشی بولگن سوداگرلیک و سیاسی رابطه‌لر گه علاوه، ایکی مملکت نینگ قوشمه اقتصادی لایحه‌لریدن قطاری نینگ عملی ایشی جمله‌دن تاپی و تاپ پروژه‌سی افغانستان ده اوتگن ایکی ییل‌ده قیته باشلنمه‌گن.
اقتصادی مسئله‌لر بیلرمانی عبدالنصیر رشتیا، اسلام امیرلیگی هیئتی نینگ تورکمنستان گه سفرینی ایکی مملکت آره‌سیده اقتصادیات و ترانزیتی همکارلیک‌لر زمینه‌سی کوپراق کوچلنتیریلیشی نی اونیملی بیله‌دیلر. «افغانستان تجارتی یوللر گه متکی بولگنی بیرحالده، مملکت‌لر بیلن هر قنچه تجاربی رابطه‌لریمیز نی کوچلنتیرگنی‌میز و کوپینچه تجارتی یوللر نی آچگنیمیز پیتده، بو ایش اقتصادی قیین‌چیلیک‌لریمیز نینگ حل بولیشی گه یاردم بیره‌دی.»
شنبه کونی افغانستان بوییچه چین مخصوص نماینده‌سی یوشیایونگ، افغانستان خصوصیده منطقه مملکت‌لر تشقی ایشلر وزیرلری نینگ کیینگی ییغینی میزبانی تورکمنستان بولگنی نی اعلام قیلگنی بیرحالده، اسلام امیرلیگی هیئتی تورکمنستان گه سفر قیلگن.