اسلام امیرلیگی تشقی ایشلر وزیرلیگی سرپرستی امیرخان متقی، قزاقستان باش وزیری اورین باسری و تشقی ایشلر وزیری مراد نورتیلف بیلن ملاقات قیلیب، ایکّی تامانلمه مناسبتلر مستحکملنیشی، سودا و ترانزیت کېنگهیشی و دیپلماتیک علاقهلر حقیده بحث اېتگن.
تشقی ایشلر وزیرلیگی سۉزلاوچیسینینگ اورین باسری ضیااحمد تکل، بوگون (۲۵-ثور، پنجشنبه) ایکس صحیفهسیده بیر بیانیه ترقهتیب، ایکّی تامان تلفونی علاقهده افغانستان و تورکمنستان اورتهسیدهگی همکارلیکلر کېنگهیتیریلیشی حقیده بحث اېتگنلرینی معلوم قیلگن.
بیزلرنینگ فیسبوک صحیفهمیزگه باش اورینگ!
اوشبو تلفونی علاقهده، امیرخان متقی قزاقستاننی مرکزی آسیانینگ مهم مملکتلریدن دیب و ایکّی تامان امکانیتلری اساسیده، منطقه ترقیاتی و آبادانچیلیگی اوچون قۉشمه همکارلیکلریگه دوام بیریش گه امید بیلدیرگن.
شونینگدیک، تشقی ایشلر وزیرلیگی سرپرستی، قزاقستان بیلن مناسبتلر کېنگهیتیریلیشنی افغانستان اوچون مهم دیب و اسلام امیرلیگی تورلی ساحهلرده همکارلیک قیلیش گه تیارلیگینی معلوم قیلگن.
تشقی ایشلر وزیرلیگینینگ معلوماتی اساسیده، مراد نورتیلف، ایکّی مملکت تشقی ایشلر وزیرلری اورتهسیده همکارلیکلر آشیریلیب و یقینده رسمی بیر سفر بیلن کابل گه کېلیشی ممکن.
بیزلرنینگ «ایکس» ترماغی ده هم تعقیب قیلینگ!
نورتیلف جنابلری، قزاقستان تورغندی-هرات تیمیر یولینی قوریش لایحهسیده ۵۰۰ میلیون دالر سرمایه یاتقیزیش گه تیارلیگینی بیلدیرگن.
قزاقستان، اسلام امیرلیگینی هنوزگچه رسمی تن آلگن بولمسهده؛ بیراق افغانستان سرپرست حکومتی بیلن یقیندن علاقهده بولگن مملکتلردن سنلهدی.
