امریکا تشقی ایشلر وزیری، غزه اوروشی لبنان گه کینگه‌ی‌مسلیگی اوچون اسرائیل مدافعه وزیری بیلن اوچره‌شگن.
امریکا تشقی ایشلر وزیرلیگی ۹-جنوری، سه‌شنبه کیچه، بیر بیانیه ترقه‌تیب، اوشبو مملکت تشقی ایشلر وزیری آنتونی بلینکن اورته شرققه سفری دوامی ده، اسرائیل گه باریب و غزه اوروشی لبنان گه کینگه‌یشیدن مملکتی نینگ خواطر ده ایکن‌لیگی خصوصیده اسرائیل مدافعه وزیری یوآو گالانت بیلن اوچره‌شگن.
بیزلرنینگ فیسبوک صحیفه‌میزگه باش اورینگ!
امریکا تشقی ایشلر وزیری اوشبو اوچرهشوو ده غزه ده اسرائیل و حماس آره‌سیده دوام ایته‌یاتگن اوروش لبنان و کرانه باختری گه کینگه‌ی‌مسلیگی اوستیگه تاکید ایتگن.
بلینکن اسراییل دن تینچ اهالی زیان کورمسلیگی و غزه ده آست قورمه‌لر قوریقلنیشی اوچون دقت قیلیشینی سوره‌گن.
شونینگدیک ایکی تامان، گرو گه آلینگنلر قوییب یوباریلیشی و غزه یشاوچیلری گه انسان پرورلیک یاردم‌لر ییتکیزیب بیریلیش مسئله‌لرینی محاکمه قیلگنلر.
امریکا تشقی ایشلر وزیری آنتونی بلینکن غزه گه اسراییل عملیاتی باشله‌نیشیدن کیین اوچ مرته تل‌آویو گه سفر قیلگن.
بیزلرنینگ «ایکس» ترماغی ده هم تعقیب قیلینگ!
او اسراییل گه سفر قیلمسدن آلدین تورکیه، اردن و قطر گه سفر قیلیب و غزه اوروشی همده اوشبو مملکت‌لر رسمی‌لری بیلن قیزیل دینگیز ده حربی کیسکین‌لیکلر آشیشی حقیده مذاکره قیلگن.
سونگی معلومات‌لر اساسیده، اوچ آی دن بیری غزه ده حماس و اسرائیل آره‌سیده دوام ایتیب کیله‌یاتگن اوروش ده فلسطین‌لیک ۲۲ مینگ کیشی قربان بولیب و باشقه ۵۹ مینگ کیشی یره‌لنگن.
