امریکا جمهور باشلیغی جوبایدن، اوکراین گه امریکا قۉشمه ایالتلری‌نینگ اوزاق مصافه‌نی اوره‌دیگن راکته‌لری بیلن، روسیه توپراغیده هجوم اویوشتیریش گه رخصت بیرگن.
رویترز یېتکرمه‌سی، بو اقدام اوکراین اوروشیده روسیه‌نی قۉللب-قوتلش اوچون شمالی کوریا کوچلری‌نینگ کېلیب قوشیلیشی گه جواب، عملگه آشیریلگنینی اېتگن.
بیزلرنینگ فیسبوک صحیفه‌میزگه باش اورینگ!
معلومات اساسیده، اوکراین کېله‌سی کونلرده امریکا ایشلب چیقرگن اوزاق مصافه‌نی اوره‌دیگن راکته‌لردن قۉللـه‌نیب « کورسک» ده روسیه و شمالی کوریا حربی کوچلرینی نشانگه آلیشی ممکن.
اوکراین، کېله‌سی کونلرده روسیه گه قرشی هجوم اویوشتیریشینی اعلام قیلگن.
آق‌سرای و امریکا مدافعه وزیرلیگی بوتوغریده حاضرگه قدر، فکر-ملاحظه بیلدیرمه‌گنلر.
بیزلرنینگ «ایکس» ترماغی ده هم تعقیب قیلینگ!
بو قرار، امریکا قۉشمه ایالتلری‌نینگ سیاستیده اساسی اۉزگریش سنله‌دی و جوبایدن‌نینگ جمهورلیک ریاستی یکونیگه ایکّی آی قالگچ، آلینگن.
امریکا مدافعه وزیرلیگی، قریب ۲۰ کون آلدین شمالی کوریا اوکراین اوروشیده روسیه‌نی قۉللب-قوتلش اوچون کمیده ۱۰ مینگ عسکر بو مملکت گه یوبارگنینی اعلام قیلگن اېدی.
بوندن آلدین، اوکراین جمهور باشلیغی ولودیمیر زلنسکی، نیچه مراتبه متحدلریدن روسیه‌نینگ حربی آست قورمه‌لری و هوا مرکزلرینی نشانگه آلیش اوچون بو مملکت گه اوزاق مصافه‌نی اوره‌دیگن قورال بیریش‌لرینی اېسته‌گن اېدی.