کابل بوییچه یشش محیط نی سقلش اداره‌سی باشلیغی همایون کاظم نینگ ایتیشیچه، کابل شهری نینگ هوا دغللیگی هشدار حالتده قرار تاپگن، بو وضعیت کنترول ایتیلمه‌گن صورتده، اضطراری حالت اورته‌گه کیلیشی ممکن.
جناب همایونگه کوره، کابل هواسی نینگ دغللیگی‌نی مدیریت قیلیش اوچون ایشلرنی جریانی بار و کابل هواسی نینگ دغللیگی‌گه توسیق بولیش کیره‌ک.
جناب همایون نینگ کوپه‌یتیریشیچه، یشش محیط نی سقلش ادراه‌سی کابل بلدیه‌سی یاردمی بیلن یانغین ماده‌لرنی تصیفه قیلووچی فلترنی اورنته‌دی.
جناب همایون گه کوره، یانغین ماده‌لرنی تصیفه قیلووچی فلترلرنی اورنتمه‌گن یوقاری بنالر جریمه‌گه تارتیله‌دیلر.
انه‌شوحالده، کابل یشاوچی‌لری هم هوا دغللیگی کوپه‌یگنیدن خواطر بیلدیریب ایتیش‌لریچه، افغانستان خلقی اوچون هوا دغللیگی، اوروش و تروریست‌دن کوپراق خطرلی دیر، بو وضعیت اونگی آلینمه‌گن حالده کوپینچه خلق هلاک بولیشی ممکن.
عین‌حالده، اجتماعی ترماق‌لردن استفاده قیله‌دیگن کیشی‌لر، هوا دغللیگی کون اوتیب کوپه‌یب باریشدن تنقید ایتگنلر.
کابل یشاوچیسی حامد حیدری نینگ فیسبوک صحیفه‌سیده یازیشیچه، کابل هواسی نینگ دغللیگی کرونا ویروسیدن کوره، کوپراق قربانلیک آلیشی ممکن و ۱۹ ییل‌لیک اوروش نینگ دوام بار.
نیچه ییللردن بویان کابل یشاوچی‌لری هوا دغللیگی خصوصده تنقید ایتیب کیلماقده‌لر و حکومت هم هوا دغللیگی اونگی آلینیشده سوز بیریب کیلگن، لیکن سوزلرینی عملگه آشیرمه‌گن.
