مملکت تانیقلی اشوله‌چی‌لریدن بیری افسانه نوابی گه تانیقلی پیکر سلطان، آلمان ده دنیا دن کوز یومگن.
بوگون (یکشنبه ۲۴- حوت) معلومات و مدنیت وزیرلیگی سرپرستی محمدطاهر زهیر بیر پیام آرقه‌لی پیکر سلطان نینگ عالم دن اوتیشی نی کتته بیر ضایعه دیگن.
جناب زهیر نینگ یازیشیچه، افسانه نوابی افغانستان موسیقه‌سینی تانیقلی سیمالریدن بیری ایدی و اونینگ یوزلرچه موسیقه‌سی افغانستان رادیو و تلویزیونی ده ثبت قیلینگن.
معلومات و مدنیت وزیرلیگی سرپرستی گه کوره، خانم افسانه هنری ایشلری نی مکتب ده اوقیتووچیلر بیره‌می و آنه‌لری کونی مناسبتی ده ترانه اوقیش بیلن باشله‌دی و غیر مسکلی شکلده موسیقه دنیاسیگه یول تاپدی و بو بولیم ده یخشی فعالیت کورسه‌تیب و کوپ یوتوقلرگه ایریشدی.
پیکر سلطان قویاش ۱۳۲۹- ییل ده کابل دن توغیلگن. او رابعه بلخی مکتبی ده درس اوقیب و ۱۴ یاشیده اشوله‌چیلیککه یوز کیلتیرگن.
افسانه نینگ استاد مهوش بیلن «اگر زن نمی‌بود عالم نمی‌بود» ناملی اوقیگن قوشیغی اونینگ اینگ تانیقلی قوشیق‌لریدن بیری دیر.