اسلام امیرلیگی باش وزیری نینگ اقتصادی اورین‌باسرلیگی، افغانستان جاری میلادی ییل نینگ باش توقیز آیی‌ده ۷۳۷ میلیون دالر ارزشی‌گه تشقی مملکتلر گه ایکینچیلیک محصولاتی نینگ صادر قیلگنی‌نی اعلام قیلگن.
اوشبو اورین‌باسرلیک، بوگون (شنبه، ۵-عقرب)، اوز اکس صحیفه‌سیده بیر بیانیه آرقه‌لی یازیشیچه، افغانستان دن صادر بولگن محصوللردن کوپینچه بولیمی نی پخته، مه‌ییز، هنگ، انجیر، پیاز، زعفران و پمیدار تشکیل بیره‌دی.
بیزلرنینگ فیسبوک صحیفه‌میزگه باش اورینگ!
اسلام امیرلیگی باش وزیری نینگ اقتصادی اورین‌باسرلیگی گه کوره، اوتگن توقیز آی‌ده تشقی مملکتلر گه ۱۶۲ میلیون دالر ارزشی‌گه پخته و ۹۳ میلیون دالر ارزشی‌گه ایسه مه‌ییز صادر بولگن.
بیانیه‌ده کیلیشیچه، افغانستان نینگ ایکینچیلیک محصوللری، ایران، آلمان، پاکستان، تورکیه، هندوستان، چین، روسیه و باشقه بیر قطار مملکتلر گه صادر بولگن.
بیزلرنینگ «ایکس» ترماغی ده هم تعقیب قیلینگ!
بوندن آلدین، احصائیه و معلومات ملی اداره‌سی هم سونگی آیلرده افغانستان صادراتی میزانی کوپه‌یگنی‌دن خبر بیرگن ایدی. اوتگن اوچ ییل‌ده اسلام امیرلیگی رسمی‌لری نیچه مرته، افغانستان صادراتی میزانی نینگ کوپه‌یتیریلیشی خصوصیده سعی‌وحرکت قیلیشلرینی ایتگنلر.