اوتگن کون کیچ قورون، مصر نینگ شرم‌الشیخ شهری ده اقلیم اوزگریشی عمومی ییغیلیشی باشلنگن. اوشبو ییغیلیشده اقلیم اوزگریشی باعث زیان کورگن کمبغل مملکت‌لر گه، بای به دولت اولکه‌لر تامانیدن یاردم بیریلیشی اوستیگه بحث ایتیلیشی کوتیله‌دی.
شو بیلن بیرگه، اسلامی امارت تشقی ایشلر وزیرلیگی افغانستان ده اقلیم اوزگریشی تهدیدلرینی کمه‌یتیریش اوچون انسان پرورلیک یاردم بیریلیشینی طلب قیلگن.
اسلامی امارت تشقی ایشلر وزیرلیگی سوزلاوچیسی نینگ اورین باسری ضیااحمد تکل نینگ سلام‌وطندار گه ایتیشیچه: «زیان‌لر گه قوشیمچه، احتمالی زیان‌لرنی کمه‌یتیریش و مملکت اقتصادیاتینی کوچه‌یتیریش مقصدیده، دنیا همجمعیت نینگ یاردم‌لریگه ضرورت دیر.»
افغانستانده بیرلشگن ملت‌لر تشکیلاتی نینگ اورین باسرلیک هیئت دفتری یا یوناما، اوشبو مملکت سرپرست حکومتیدن اقلیم اوزگریشینی جدی آلیشینی ایتگندن سونگ، اسلامی امارت افغانستان ده اقلیم اوزگریش تهدیدلرینی کمه‌یتیریش اوچون دنیا اولکه‌لریدن یاردم سوره‌گن.
بیزلرنینگ فیسبوک صحیفه‌میزگه باش اورینگ!
یوناما نینگ گزارشیده کیلیشیچه، افغانستان خلقی اقلیم اوزگریشی باعث خوف بیلن دوچ ایکنلر و بو مملکت اقلیم اوزگریشی باعث زیان کوره‌دیگن مملکت‌لر ارا آلتینچی اوریننی ایگه‌لگن بولسه ده، لیکن بوتوغریده اونچه‌لیک اعتبار قره‌تیلمه‌گن.
آدم‌لر نینگ ایکینچیلیک ایشلری بیلن مصروف‌لیگی، یشش محیط قتیق ضرر کوریشی، افغانستان اکو سیستمی، اجتماعی واقتصاد ضعیف‌لیگی و اوتگن تورت سنه اوروش‌لر، افغانستان نی اقلیم اوزگریشی برابریده زیانلی قیلگن موردلردن عبارت دیر.
یوناما اوز گزارشیده کوپه‌یتیریشیچه، افغانستان ده‌گی حاضرگی شرایط ده اقلیم اوزگریشی، اوشبو مملکت یشاوچیلری نینگ آزیق_آوقات خوفسیزلیگی و مهاجرت‌لری گه سبب بولیشی ممکن.
برچه‌سی بیلن، ایش بیلرمان‌لر افغانستان ده اقلیم اوزگریشی وضعیتیدن خواطر بیلدیریب، اقلیم اوزگریشی برابریده چاره-تدبیر کوریش اوچون حکومت نینگ ریجه‌سیزلیگیدن تنقید قیله‌دیلر.
طبیعی آفت‌لر ایشلری بوییچه ایش بیلرمان عبدالباسط رحمانی، اقلیم اوزگریشی تهدیدی بیلن روپه‌ره بولگن افغانستان نینگ ایریم قسم‌لری گه اشاره قیلیب، حاضرگی حکومت تامانیدن بوتوغریده چاره-تدبیر کوریلیشینی طلب قیله‌دی. اونگه کوره: «بیز حاضرگی شرایط ده جریان‌نی اوزگرتیریشیمیز کیره‌ک، حکومت نینگ چارچوبه‌سی اوله‌راق فرصت‌لرنی جذب قیلیب و کوپ ایشلشی اوچون جوابگر ساختار گه نیازیمیز بار.»
بیزلرنینگ توییترده هم تعقیب قیلینگ!
شونینگدیک یشش محیط ایش بیلرمانی کاظم همایون نینگ سلام‌وطندار گه ایتیشیچه: «منبع‌لردن ییترلی شکلده قوللنمه‌ی، آب‌و هوا اوزگریشی، قانون_قاعده‌لر عملگه آشیریلیشی و ایش قنده‌ی لیگی باره‌سیده آدم‌لرنی آگاه‌لنتیرمسک و ایکی ییل دن سونگ گزارش‌لریمیزنی آب‌و هوا کنوانسیونی گه یوللـه‌مسک، بو قیینچیلیککه نقطه قویه آلمه‌یمیز.»
عین‌حالده، سونگی آی‌لرده افغانستان ده طبیعی آفت‌لر یوز بیریب جانی و مالی زیان‌لر گه سبب بولگن، بوندن آلدین اسلامی امارت سرپرست حکومتی، طبیعی آفت‌لر زیان‌لری اوچون دنیا مملکت‌لریدن افغانستان گه یاردم بیریش‌لرینی ایسته‌گن ایدی.
