اوتگن ایکی هفته ده افغانستان نینگ قطار ولایت‌لریده هوا مثل‌سیز درجه ده ساووق بولیشی بیلن، طبیعی آفت‌لرنی باشقریش بوییجه دولت وزیرلیگی نینگ ایتیشیچه، ساووق طفیلی ۱۶۶ کیشی هلاک بولگن و ۸۰ مینگ چاروه تلف بولگن.
مذکور وزیرلیک نینگ مالی و اداری عمومی باشلیغی عبدالرحمان زاهد گه کوره: «تأسف بیلن ۲۴ ولایت ده هوا ساووق‌لیگی، سوو تاشقینی، گازدن زهرلنیش باعث ۱۶۶ کیشی هلاک بولگن و ۲۲ کیشی یره‌لنگن و شونینگدیک ۱۰۰ دن آرتیق یشش اوی بوزیلیب و ۸۰ مینگ چاروه تلف بولگن و بو وزیرلیک حاضرگچه ۳۰ مینگ عایله گه یاردم بیرگن و خلق‌ارا نهادلردن یاردم بیریش‌لرینی ایسته‌یمیز.»
بیزلرنینگ فیسبوک صحیفه‌میزگه باش اورینگ!
غور یشاوچیسی عبدالظاهر نینگ ایتیشیچه، سونگی کون‌لرده‌گی ساووق باعث باله‌لریدن بیری قربان بولگن.
اونینگ کوپه‌یتیریشیچه، ییگولیک و یاقیلغی ماده یاردم بیریلمه‌گن تقدیرده، قالگن فرزندلریم اولیم خطری بیلن روپه‌ره بولیش‌لری ممکن.
اونینگ ایتیشیچه: «مین تورت_بیش کیشی‌لیک عایله سرپرستی من و تورت بالم بار و اولردن بیری ساووق طفیلی قربان بولدی و یاردم بیریلمه‌گن تقدیرده، باشقه باله‌لریم قربان بولیشی ممکن.»
شونینگدیک بدخشان یشاوچیسی بصیر گه کوره: «ساووق باعث خالم نینگ بیر باله‌سی هلاک بولدی، اقتصادی قیینچیلیک باعث یشش اویینی ایسیتیش گه کوچی ییتمه‌یدی، یاردم بیرووچی نهادلردن بدخشان یشاوچیلری گه یاردم بیریش‌لرینی ایسته‌یمیز.»
عین‌حالده، افغان قیزیل آی جمعیتی نینگ ایتیشیچه، حاضر مملکت بویلب ۱۰ میلیون فقرا تیز یاردم گه محتاج دیر.
بیزلرنینگ توییترده هم تعقیب قیلینگ!
افغان قیزیل آی جمعیتی سوزلاوچیسی عرفان‌الله شرف‌زوی نینگ ایتیشیچه: «افغان قیزیل آی جمعیتی اوتگن نیچه کون ده ۴۷ مینگ عایله گه یاردم بیرگن و بو جریان دوام ایتماقده، حاضر مملکت بویلب ۱۰ میلیون کیشی تیز یاردم گه محتاج دیر و مملکت نینگ باشقه ۲۰ میلیون اهالیسی عادی یاردم گه نیازمند دیر و خلق‌ارا نهادلردن افغانستان خلقی گه یاردم بیریش‌لرینی ایسته‌یمیز.»
ایتیش کیره‌ک که، بیرلشگن ملت‌لر تشکیلاتی نینگ انسان پرورلیک ایشلری بوییچه اورین باسری مارتین گریفیتس، کابل گه قیلگن سفری دایره‌سیده افغانستان ده محتاج کیشی‌لر نینگ وضعیتینی خواطرلی دیب و آلتی میلیون کیشی آچرچیلیک تهدیدی بیلن روپه‌ره لیگینی ایتگن ایدی.