اوتگن ایکی ییل ایچیده، پاکستان افغانستان بیلن علاقه‌لری نی دوام بیرگن دولت‌لردن بیری بولسه‌ده؛ بیراق بو مناسبت‌لر هر ایکی تامان رسمی‌لری آره‌سیده‌گی قرمه‌قرشی‌لیکلر و کیسکینلیکلر بیلن بیرگه کیلگن.
بو کیسکینلیکلر نینگ ینگی تولقینی‌ده پاکستان حربی کوچلری نینگ باش قوماندانی عاصم منیر، اسلام امیرلیگی‌دن تنقید‌لب، پاکستان‌لیک بیر کیشی نینگ حیاتینی برچه افغانستان اهالی‌سیگه نسبتن، اونملی دیگن.
شونینگدیک مذکور پاکستان‌لیک حربی ییریک رسمی‌سی نینگ آگاه‌لنتیریشیچه، پاکستان خوفسیزلیگی گه قرشی حرکت قیلگنلر، افغانستان نینگ برچه بولیم‌لریده تعقیب بولیشی ممکن.
بیزلرنینگ «ایکس» ترماغی ده هم تعقیب قیلینگ!
عاصم منیر نینگ مذکور بیاناتی، اسلام امیرلیگی حربی کوچلری نینگ باش قوماندانی فصیح‌الدین فطرت نینگ عکس‌العملی بیلن روپه‌ره بولگن.
سرپرست حکومت ملی مدافعه وزیرلیگی سوزلاوچیسی عنایت‌الله خوارزمی، فصیح‌الدین فطرت دن نقل قیلیب ایکس صحیفه‌سیده یازیشیچه، پاکستان اوزی نینگ قابلیت‌سیزلیگی اوچون باشقه‌لر نی عیب‌لماقچین دیر.
سرپرست حکومت حربی کوچلری باش قوماندانی سوزلری نینگ بیر بولیمی‌ده کیلیشیچه: «جناب منیر مملکت یشاوچیسی نینگ امنیتی نی افغانستان اهالی‌سی نینگ جان و خوفسیزلیگی‌دن اونملی بیلسه، بو مسلمان بیر ملت نینگ ارزشلری گه توهین قیلیش دیر. اولر اوز یشاوچیلری نینگ امنیتی نی تأمین قیله آلمه‌یدیلر و قابلیت‌سیزلیک‌لری اوچون باشقه‌لر نی عیب‌له‌یدیلر. پاکستان ملتی ایکی مسلمان و قوشنی مملکت آره‌سیده نفرت گه سبب بوله‌دیگن بو کبی فکرلر برابریده عکس‌العمل کورستیشی کیره‌ک.»
بولر گه علاوه، بیلرمانلر بو کبی فکرلر و کیسکینلیکلر نی ایکی تامان علاقه‌لری یخشی‌لنیشی خصوصیده‌گی سعی و حرکت‌لر زیانی گه بیله‌دیلر.
خوفسیزلیک و سیاسی مسئله‌لر بوییچه ایش بیلرمان عزیز ستانکزی نینگ ایتیشیچه، حاضرگی شرایطده لفظی جنجل‌لر و کیسکینلیکلر، پاکستان اوچون کوپراق زیان ییتیشتیره‌دی.
بو توغریده ستانکزی نینگ کوپه‌یتیریشیچه: «پاکستان ارتش ستاد باشلیغی کبی رسمی‌لر آره‌سیده بو رقم فکرلر بولسه، چونکه مناسبت‌لر نی بوزه‌دی. افغانستان دایم مقصد‌سیز و قوشنی‌لری برابریده اره‌لشیش ایسته‌گی یوقلیگی نی بیان قیلگن، بیراق پاکستان بیاناتلری دایم حقیقت‌دن اوزاق و اره‌لشیش اوچون بولگن که بو اوزی بحران نینگ کوپه‌یتیریشی ممکن.»
ایتیش کیره‌ک که، اسلام امیرلیگی نینگ قدرت گه ایریشگنی باش کونلریده، افغانستان و پاکستان حکومت‌لری مناسبتی یخشی‌لنیشی کوتیلگن ایدی، بیراق بو مناسبت کیسکینلیکلر و جدی اختلاف‌لر بیلن روپه‌ره بولگن دیر.
خوفسیزلیک مسئله‌‌سی ایکی مملکت مناسبتی‌ده قیین‌چیلیک یره‌تگن اونملی موضوع‌لردن دیر و اوتگن ایکی ییل‌ده ایکی مملکت آرقه‌لی بیر بیریگه تورلی هیئت‌لر نینگ یوباریلیشی بیلن، حاضرگچه بو قیین‌چیلیک حل بولمه‌گن.
بیزلرنینگ فیسبوک صحیفه‌میزگه باش اورینگ!
کابل و اسلام‌آباد علاقه‌سی وضعیتی خصوصیده سیاسی ایش بیلرمان‌لردن بیری صادق شینواری نینگ ایتیشیچه: «پاکستان دایم افغانستان برابریده استخباراتی سیاستی بار ایدی، پاکستان نینگ اوشبو سیاستی مذکور مملکت نینگ امنیت و ثباتی خصوصیده سلبی تاثیری بولگن. حاضر بو وضعیت نی توجیه قیلیش اوچون افغانستان آرقه‌لی اورته آسیا خوفسیزلیگی نی عمل گه آشیرماقچین بولیب، افغانستان ده داعش کبی گروه‌لردن قوللنیش بیلن غربی مملکت استخباراتی منفعت‌لر نی عمل گه آشیرماقچین دیر.»
شونینگدیک کابل و اسلام‌آباد علاقه‌سی وضعیتی خصوصیده سیاسی ایش بیلرمان‌لردن باشقه بیری عبدالقدیر قانت نینگ ایتیشیچه: «بیز اونده‌ی زمان قرشی‌سیده توخته آله‌میز که مردمی و کوچلی توزوم ایجاد قیلسه‌ک، افغانستان ده پاکستان نینگ فایده‌سی تأمین بولمه‌گنی‌‌گه قدر، ایکی مملکت مناسبتلری یخشی بولمه‌یدی، چونکه دایم پاکستان نینگ افغانستان توزومی‌دن ناقانونی ایسته‌کلری بار.»
اوشبو کیسکینلیکلر بیلن بیرگه، ینگی‌لیکده گاردین کونده‌لیگی اوز منبع‌لریدن نقل قیلیب گزارش بیریشیچه، پاکستان افغانستان توپراغی گه داعش کوچلری نی یوباریش و افغانستان سرپرست حکومتی گه قرشی قوللنیش کیتی‌ده دیر.
