چهارشنبه کونی، ۱۵ سنبله، توش دن آلدین ساعت ۱۱:۰۰ اطرافی ده، اسلام امیرلیگی چیگره‌چیلری دیورند چیزیغی یقینیده بیر پوسته نی قوریش پیتیده، پاکستان حربی کوچلری تامانیدن نشانگه آلینیب و کین ایسه ایکی تامان آره‌سیده قوراللی توقنشوو یوز بیرگن.
محل یشاوچیلری گه کوره، مذکور واقعه قریب یریم ساعت دوام قیلیب و ایکی تامان آغیر و یینگیل قورال دن قوللنگنلر.
بیزلرنینگ فیسبوک صحیفه‌میزگه باش اورینگ!
محل یشاوچیلریدن نورمل نینگ ایتیشیچه، کوچلی اوروش یوز بیریب و آز تلفاتی بولگن. اونگه کوره، مذکور توقنشوو ده یالغیز ایکی تینچ اهالی یره‌لنگن. نورمل نینگ کوپه‌یتیریشیچه: «افغانستان چیگره‌چیلری بیر پوسته یانیده باشقه بیر پوسته قوریش پیتیده پاکستان چیگره‌چیلری نینگ قرشی‌لیگی بیلن روپه‌ره بولیب و نهایت اولرنی اوققه توتدیلر. کیین ایسه ایکی تامان آره‌سیده توقنشوو یوز بیریب و قریب یریم ساعت دوام قیلدی؛ اوشبو توقنشوو ده یالغیز ایکی تینچ اهالی یره‌لندی.»
پاکستان و اسلام امیرلیگی چیگره‌چیلری نینگ توقنشووی دن کیین، تورخم بندری پاکستان تامانیدن یاپیلیب و حاضرگچه آچیلمه‌گن. کسل‌لرینی دوالش، تحصیل و سوداگرلیک اوچون پاکستان باره‌دیگنلر اوشبو یول گه بند قالیب و تورخم بندری آچیلیشینی کوتماقده‌لر.
آنه‌سینی دوالش اوچون کابل دن پاکستان گه باره‌دیگن شاهدخان نینگ ایتیشیچه: «حاضر اوروش طفیلی چیگره یاپیلیب و بند قالدیک. کابل دن کیلگن من و قیته آلمه‌ی من. نیمه قیلیشنی بیلمه‌ی من. آنه‌م آغیر کسل دیر. بو قیینچیلیک تیزلیک بیلن حل ایتیلیشی گه امید بیلدیره‌من.»
بیزلرنینگ توییترده هم تعقیب قیلینگ!
تورخم بندری ده هیداوچی سلیم، موتری گه سبزه‌وات یوکلب پاکستان گه انتقال بیره‌دی، عینی قیینچیلیک بیلن روپه‌ره بولگن. او نینگ ایتیشیچه، تورخم بندری باشقه بیر کونگچه آچیلمسه محصولاتی یوق سسیدی. سلیم نینگ کوپه‌یتیریشیچه: «اوروش باعث بو ییرده بند قالدیک. ایرته اونی انتقال بیریش گه مجبور من؛ ایرته ایشیک آچیلیش یا که آچیلمسلیگینی بیلمه‌ی من. ایکی تامان بو قیینچیلیک نی تیزلیک بیلن حل قیلیش گه امیدوار من.»
باشقه تاماندن، ننگرهار مسئوللری گه کوره، چیگره ده‌گی قیینچیلیک حلی اوچون سعی‌وحرکت قیلماقده‌لر.
ننگرهار معلومات و مدنیت ریاستی نینگ اطلاعات آمری قریشی بدلون، توقنشوو انیق تلفاتی حقیده ایضاح کیریتمسه ده، بیراق تورخم بندری آچیلیشی اوچون تلاش قیله‌یاتگن‌لریدن ایشانچ بیره‌دی. او نینگ ایتیشیچه: «پاکستان ملیشه‌لری افغانستان خوفسیزلیک کوچلری نینگ پوسته قوریشی گه توسیق بولیب و کیین ایسه اولرنی اوققه توتگن و کیین ایسه توقنشوو یوز بیرگن. اوشبو توقنشوو یریم ساعت دوام قیلیب و اوچ کیشی نینگ تلفاتی گه سبب بولدی. حاضر تورخم ایشیگی یولاوچیلر و ترانسپورتی واسطه‌لر یوزی گه یاپیلگن.»
ایتیش کیره‌ک که، بوندن آلدین پاکستان کوچلری دیوند چیزیغی یقینیده اسلام امیرلیگی کوچلری بیلن توقنشیب و ایکی تامان نینگ اولیب و یره‌لنیشگه سبب بولگن.